Тексты
Вернуться к списку | редактировать | удалить | Создать новый | История изменений | Статистика | ? Помощь
El’et’t’ih...
El’et’t’ih...
карельский: собственно карельское наречие
Толмачевский
El’et’t’ih
ukko da akka .
Ukko da akka i ruvettih duwmaimah , kunne heil’ä hern’eh kyl’viä .
Akka šanow ukolla : ”Davai kyl’vämmä hern’ehen karžinah ”.
Hyö kyl’vet’t’ih hern’ehen karžinah .
Hern’eh kažvo , kažvo šuwrekši .
Joi ei ruven mahtumah karžinah .
Akka šanow ukolla : ”Davai pil’immä lattien ”.
Hern’eh kažvo viel’ä šuwremmakši .
Akka šanow ukolla : ”Davai pil’immä i luan ”.
Pil’it’t’ih hyö luan .
A hern’eh kažvo viel’ä šuwremmakši .
Pil’it’t’ih i katokšen .
Hern’eh kažvo taivahaže šuaten .
Nu n’yt akka i šanow : ”Davai l’ähemmä hern’eht’ä šuamah yl’ähäkši ”.
Ukko i šanow akalla : ”Istuo šie miwla šel’gäh da el’ä kačaha yl’äh da alah ”.
Akka istuoči ukolla šel’gäh , da ei šuanun hänel’l’ä keštiä – alah i kačahti .
I akka i langei i kuol’i .
Ukolla l’ien’i žual’i hän’d’äh i hiän šolahti i l’äks’i it’kijiä eččimäh .
Ukko l’äks’i jalgaz’iin da vaibu .
Val’l’ašti hebozen i l’äks’i hebozella .
Hänel’l’ä vaštah tulow hukka , hiän kyžyw : ”Kunne , d’iedo , l’äks’iit ?”.
A ukko šanow : “L’ähen it’kijiä eččimäh ”.
A hukka šanow : ”D’iedo , ota milma ”.
A d’iedo i šanow : “Mahatgo it’kie ?”.
A hukka šanow : ”Mahan ”.
Ka hiän i rubei ulvomah .
Ukko šanow : ”Et maha , en ota ”.
Tulow koira vaštah .
Tuaš kyžyw : ”D’iedo , kunne l’ähet ?”.
A d’iedo šanow : ”It’kijiä l’ähen eččimäh ”.
– ”Ota milma ”.
– ”Mahatgo it’kie ?”.
A hiän i rubei : ”Haw , haw , haw !”.
Ukko i šanow : ”En ota , et maha it’kie !”.
N’yt’t’en d’iedolla vaštah tulow jäniks’yt : ”Kunne l’ähet , d’iedo ?”.
D’iedo šanow : ”L’ähen it’kijiä eččimäh ”.
– ”Ota milma ”.
– ”Mahatgo it’kie ?”.
A hiän : ”Mahan ” – šanow .
– ”Nukko , – šanow , – it’el’l’iä ”.
A jän’is’ i rubei it’kömäh :
”Ol’i miwla akka ,
hienon piiruan pikšuttajan’e ,
ložein korkiin suččijan’e ...”
Jän’iks’en otti .
(Pit’kä on , kaikkie en muisa ).
El’et’t’ih...
карельский: собственно карельское наречие
Толмачевский
”
Жили...
русский
– «
– «
– «
– «
«
«