Тексты
Вернуться к списку | редактировать | удалить | Создать новый | История изменений | Статистика | ? Помощь
Aino on akalla poika
Aino on akalla poika
карельский: собственно карельское наречие
Керетьский, Кестеньгский, Оулангский, Тихтозерский
Aino
on akalla poika ,
ahkivolla naimah lähtöy .
Aštuu päivän , aštuu toisen ,
aštuupa kohti kolmannenki .
5 Lyöypä puuta kirvehellä ,
tammija tažaterällä .
"Tulouko še puuta täštä puušta
venehekši Väinämöisen ,
venehekši Väinämöisen ,
10 purrakše pojan pätöisen ".
Puupa vaštaha šanouve :
"Ei tule puuta täštä puušta
venehekši Väinämöisen ,
purrakše pojan pätöisen ".
15 Aštuupa päivän , aštuu toisen ,
aštuupa kohti kolmannenki .
Lyöypä puuta kirvehellä ,
tammija tažaterällä .
"Tulouko še puuta täštä puušta
20 venehekši Väinämöisen ,
venehekši Väinämöisen ,
purrakše pojan pätöisen ".
Puupa vaštaha šanouve :
"Tulou puuta täštä puušta .
25 Tulou še puuta täštä puušta
venehekši Väinämöisen ,
purrakše pojan pätöisen ".
Luatiu pikku venehyisen ,
lähtöy poikki šoutamaha .
30 Päivän šouti šuovezijä ,
toizen šouti muavezijä ,
kolmannen järvivezijä .
Tulou hiän nyt Anni-čikkoh .
Annipa-čikko , aino čikko ,
35 Annipa vuatteita pežöyve ,
räpähie räikyttelöy .
"Kunne läksit , Väinämöisen ?"
"Läksin kalan pyyvväntäh ,
otin verkkoja venehen täyven ,
40 laivan täyven laškomie .
Otin verkkoja venehen täyven ,
laivan täyven laškomie ".
"Šano taki , Väinämöisen , kunne läksit ?"
"Läksin naimah mieki ".
45 "Ei ennen miän pätöni …
Kuin läksi naimah , Väinämöisen ,
siul on kolme šurmua matalla !"
"Šano taki , aino čikko ,
Mi on šurma enzi šurma ?"
50 "Še on šurma enzi šurma ,
kuin on rautani aita
muašta taivahan šuate
čičiliuškoilla šivottu ,
čičiliuškoilla šivottu ,
55 kiärmehillä on kiännetty ,
uloš šuin , uloš hännin
miehen piätä purrakšehe !"
"Ei še on šurma , miehen šurma ,
eikä poikašuun urohon .
60 Šano taki Väinämö …
Šano taki , Anni-čikko ,
mi on šurma , toini šurma ?"
"Še on šurma , toini šurma ,
kuin on tulini koški ,
65 tulisešša košešša on tulini koivu ,
tulisešša koivušša on tulini kokko .
Yöt še hammašta purouve ,
päivät kynttä kričkuttauve ,
päivät kynttä kričkuttauve
70 miehen piätä purrakšehe ".
"Ei še ole šurma – miehen šurma ,
eikä , poikašuun urohon .
Šano taki , Anni-čikko ,
mi on šurma , kolmaš šurma ?"
75 "Še on šurma , kolmas šurma ,
kuin mänet , merehe kuavut ,
panet polven pistyhe !"
Pohjan akka , Pohjan ukko ,
Pohjan entini emäntä
80 kuulou : itku , ei lapšen itku ,
itku poikašuun urohon .
Lykkiäy hiän venehesen ,
lähtöy ehättämäh Väinämöistä ,
ehättäy Väinämöisen i tuou kotih .
85 Šiitä šanou Väinämöini :
"Mie tulin siun luokši naimah !
Vanhat venehin šoutakkahe ,
rammat raččahin ajakkah ,
vain ei yhtä Kaakomieltä !"
90 A Kaakomieli še tulihe .
Šanou šiitä Väinämöini :
"Miksi tulit , Kaakomieli ?"
"Koira še kuččuhu tulouve ,
hyvä lintu liikkehekši .
95 Lähemmä torah , Väinämöini !"
Pohjan ukko , Pohjan akka ,
Pohjan ukko , Pohjan akka
antau Väinämöisellä olutta ,
ketun piällä , ketun alla ,
100 ketun keškellä šijua .
Aino on akalla poika
карельский: собственно карельское наречие
Керетьский, Кестеньгский, Оулангский, Тихтозерский
10
"
20
"
35
40
55
65
70
80
"
"
100
Кундозерова Мария Владимировна
Единственный есть у женщины сын
русский
10
"
15
20
"
35
40
55
[
65
70
80
"
"
100