Тексты
Вернуться к списку | редактировать | удалить | Создать новый | История изменений | Статистика | ? Помощь
Zookkun surmas
Zookkun surmas
карельский: ливвиковское наречие
Тулмозерский
Enne
vahnas Surmu käveli moodu myö .Se oli huonone , ribuhine , laihane , istrumentoo kai kohtat tävvet .Oligo hänel labjastu , oligo taltastu , oligo pitkee niegloo . Oligo hänel vazarastu .
Eli enne sie bohattu mužikku , hiitroi .Kezäl roottih , talvel mužikku koiz oli .Nu vot . Häi rešši : "Roodoo ni midä ewle , lain ičelleni ruwhen , jo ehki roih varuksis ".Ruwhen loodi , vie ku vai sai valmistoo , kaččoo , tuloo ylen huono šmetku-kulu heil , mužikku-kulu .Tuli pertih , tervehyön loodi , mužikku vastai .Istuvui lawčal .Mužikku kyzelöö :
– Ken sinä olet , ku olet nenga huonone ?
Häi sanoo :
– Ga minä olen Surmu .(Eeni hienone , hil’l’akkane .)
– Kui sinä , Surmu , nengone huono , tapat , ku olet nenga huono ? Aigago veššii olen varannuh , en enämbi varoo igäh !
– Älä , poigani , pahoi pagize , sinun očeredi on . Kolmen päivän srokku annettih , sinuw ottamah tulin .
– No kui sinä , – sanoo , – tapat , sanele minul ennepäi .
Dai häi rubei sanelemah :
– Vazarazil , – sanoo , – luuloi perran da peedy , niegloil lihoi da nivelii pystelen , pilazil luud da niveled pilailen , štobi̮ kui astuu da hodii ei vois ; labjazil lihat suomin , štobi̮ kui mooh ei meniz ; taltazil luud murendan da aivod kolotin , näid .Sid , – sanoo , – rištikanzu väzyy da kuoloo .
Mužikku sanoo :
– Olgah , älä minuu tapa , vuota minä ruuhen valmistan .Kačo , pädöögo sinul , sid minulgii pädöö , meeräičen .
A mužikal on toized mieled .Dai mužikku ruuhen valmisti , nooglazed da rauduvandehed varusti , vazaran varusti .Surmal sanoo :
– Vierez nygöi , minä kačon , roihgo hyvä ?Sinun mieldy myö rodinnoo , sid minulgii pädöö .
I häi vieri .Mužikku kri̮skazen peel , nooglazil kiini , rauduvandehil kiini ."Nygöi , – sanoo , – sie pyzyt "!
Jo Surmu pyrgivyy , ga sie pyzyy .Mužikku hevol regeh .Surman ruuhen kel regeh da iče ajamah merel , vei Surman mereh .
Jo mužikku elee kaksisadoo vuottu , kai vahnad eletäh , iččee kandoo ei voija , a Surmu ei tule .Jo mäil päi työtäh vahnoi alas , štobi̮ kuoldas .
Jo hänel , sil mužikal , juohtuu mieleh , što häi Surman vei merel .Sid sanoo , što "oppied eččii Surmoo , eigo sie mis löydys rannoil libo merel ".Davai rahvas merdy myö ajamah , Surmoo eččimäh , da sid i lövvettih ruuhi .Kyzytäh Surmal :
– Oledgo sie ?
Surmu vienozel eenel vastoo :
– Netee olen .
Sid peestettih Surmu ruuhes .Sissah Surmu ei javno kävele , ei ozuttavu .Sid vai ottaa kenengi , vanhois , a viei nuorie ottoo ...Nuorii nygöi liečitäh .
Zookkun surmas
карельский: ливвиковское наречие
Тулмозерский
–
–
–
–
–
–
–
–
Сказка о смерти
русский
–
–
–
–
–
–
–
–