Тексты
Вернуться к списку | редактировать | удалить | Создать новый | История изменений | Статистика | ? Помощь
Peigoi-Poigaine
Peigoi-Poigaine
карельский: ливвиковское наречие
Ведлозерский
Elettih-oldih ukko
da akku .Heil ei olluh poigua .Yhten kerran illal mužikku vestäw päretty , vestäjes leikkuaw sormen , peigalon .Ottaw dai päčinperäh lykkiäw .Huandeksel mužikku lähtöw pellole kyndämäh , a akku jiäw päččii lämmittämäh .Pastaw čupukkua ukole , iče pagižow : "Kačo , gu ei ole poigua , pidäw ičel mennä piiraidu vedämäh , hot’ ei ole aigua , päčči pidäš lämmittiä ".
A Peigoi-poigaine hänel päčin peräs otviatti :
– Viän minä piiruat !
Akku duwmaiččow : "Ken gor’a ollow "?Kyzyw :
– Ken sinä olet ?
Peigoi-poigaine otviattiw :
– Minä olen Peigoi-poigaine , – sanow akale , – mustat , ehtäl ižändäs vesti päretty da leikkai peigalon da päčil lykkäi .Minä siä i olen .
Akku ottaw dai panow čupukat paččahan piäle , a Peigoi-poigaine lähtöw viämäh piiraidu tuatalleh .Akku kaččow , ga piiruat lähtiättih paččahan piäs menemäh pellolepäi .Tuli Peigoi-poigaine pellole , tuatalleh sanow :
– Täs , tuatto , piiruat !
Mužikku sanow :
– Ken sinä olet ?
– Minä olen Peigoi-poigaine : mustat , egläi sinä lykkäit päčile minun .
Mužikku piiruat ottaw da kaččow : pappi tulow .Mužikku sanow papile :
– Kačos , buat’ušku , mittuine kummu on : ijän ei olluh poigua , a nygöi poigu rodih , ihmečäl taval !
Pappi sanow mužikale :
– Myä minule poigu !
Mužikku sanow :
– En , velli , myä , tämä poigu jo seičas avvuttaw , a myähem viä enämbän rubiaw avvuttamah .
Poigaine sanow tuatalleh :
– Myä , myä !
Pappi sanow :
– Sada rubl’ua annan .
Poigaine silmiä išköw tuatalleh : "Myä , myä , minä suan sinul dengua ijäkse kaikekse "!Mužikku ottaw dai myäw .Pappi sada rubl’ua andaw , a poigažen panow kormanih .Poigaine sanow tuatalleh :
– Tule jälles , minä dengua lykin .
Pappi lähti astumah dorogua myä , mužikku hänel jälles .Poigaine papin kormanis olles lykii kai dengat tuatalleh .Ku kai lykii , sit kormanis meni toižeh kormanih .Papil sanow :
– Laske minuw syväinkormanih , minä tahton siä olla .
Pappi pani poigažen syväinkormanih , iče lähti astumah iälleh .Poigaine lykii kai dengat papil tuatalleh .Sit sanow tuatalleh :
– Mene nygöi kodih .
Tuattah kodih tuli , akalleh sanoi :
– Nenga i nenga , poigu tämä sai meile tävven povitkan dengua .
Akku sanoi :
– Kuibo sai ?
Mužikku sanow :
– Minä möin papile suas rubl’as , a häi lykii kai papin dengat minule .
Akku da mužikku ruvettih elämäh bohatannu .
Peigoi-poigaine meni papin taloih yäl .Kazakat da kuharkat toraitti , iče meni vastan alle čuppuh .Huandeksel kuharkat nostih , pyhkittih perti , a topat lykättih tanhual , sinne lykätäh i Peigoi-poigaine .Tanhual Peigoi-poigaine puutui lehmäle syädäväkse .Lehmy syäw Peigoi-poigažen .Peigoi-poigaine menöw lehmäle vaččah .Huandeksel tullah kuharkat lehmii lypsämäh .Opitah lypsiä , ga lehmän nännis kuwluw iäni :
– Älä jo täs viä , siä on minun jalgu !
Toižes oppiw , ga siä toine jalgu , kolmandes – piä , nel’ländes käzi .Kuharkat viätäh viästi papile , sanotah :
– Nännit paištah !
Pappi tuli , ga mugai on !Pappi sanow :
– Pidäw lehmy iškiä da kaččua , ken siä on .
Lehmy iškiätäh , ga siä ei ole ni kedä .Papil lehmy meni .Peigoi-poigaine pageni iäre da meni tuattah lua .
Mužikku da akku ruvettih elämäh poijanke .
Peigoi-Poigaine
карельский: ливвиковское наречие
Ведлозерский
–
–
–
–
–
–
–
–
–
–
–
–
–
–
–
–
–
–
–
Мальчик-с-пальчик
русский
–
–
–
–
–
–
–
–
–
–
–
–
–
–
–
–
–
–
–