Тексты
Вернуться к списку | редактировать | удалить | Создать новый | История изменений | Статистика | ? Помощь
Akku lähtöö gul’aimah
Akku lähtöö gul’aimah
карельский: ливвиковское наречие
Видлицкий
Akku
lähtöö gul’aimah , ga i kyzyy :
– Päiväine pravednoi , ongo minuu čomembaa da sinuu räkembää ?
– Sinuu čomembi on , ga minuu räkembää ei ole .
Häi sai lapsen , se roih čomembi .Häi ottaa da lapsen lykkää pihah .Rozboiniekat i otetah .
Taasei lähtöö gul’aimah gai kyzyy :
– Ongo minuu čomembaa da sinuu räkembää ?
– Minuu räkembää ei ole , ga sinuu čomembi on .
Tuloo tiedoiniekalloo , ga elos on , rozboiniekat on otettu kazvattaa .Häi tahtoo händy ääre hävittää :
– A laaimo plaat’an moizen , panoo pääle dai kuoloo .
Menöö plaat’aa myömäh tyttözel , eini kui tyttöine ostas ga vägehes andaa , da zirkalon ees käsköö pääle panna .Menöö pertih , panoo pääle plaat’an da kuoloo .Vellet tullah , ga sizar kuolluh .Nuoriman vellen koiru plaat’t’azen revittelöö dai kopsahtah seizoi .
– Kuibo sinä nenga ?
– A ostin plaat’t’azen dai kuolin .
– Älä osta !
Taas akku lähtöö gul’aimah dai kyzyy päiväzel .Päiväne sanoo :
– Minuu räkembää ei ole , a sinuu čomembi on .
Menöö taas laskettaa kartih , ga hengis on .Sanoo – nuoriman vellen koiru on päästänyh .Häi sanoo :
– Pidää koiral laadia bulkaine , što syöö dai kuoloo , a tyttözel kol’čaine – panoo sormeh dai kuoloo .
Menöö taase akku sinne myömäh , taas tyttöine ei ottas , ga vägeh andaa , a koiral bulkazen lykkää dai se kuoloo .Vellet tullah , ga taas on kuollut .Hyö laitah krustal’n’oi grobu da viijäh , pannah paččahien pääh , siä itkuh kuoltah .
Saarin poigu lähtöö gul’aimah , ga kaččoo rannal kuldu rounu pastaa .Häi sinne .Häi kaččoo – neidine on čoma , ga häi sen ottaa da ääre komanduičoo , ajaa kodih .Panoo omassah škaappah da ainos kaččoo sih tyttözeh , a ei ole elävy , eigo kuolii .Maamah da taattah sanotah :
– Pidää työndää ulgomaaloil parenemah , nenga loppih .
Händy lähtieh viemäh , ga maamah meni sinne , ga tyttöine škaapas .Tuoo baabuškat pezijät ,ga otetah kol’čaine sormes dai tyttöine elävyy .Häi hypähtäh , dai käänytetäh saarin poigu ääres .
– No otadgo nygöi mučoikse vai sizarekse ?
Eletäh-ollah , ga no taas se akku menöö kavelemäh , taas päiväzel kyzyy .Päiväine sanoo :
– Minuu räkembää ei ole , ga sinuu čomembi on .
Tuloo taas , kartih laskettaa ga : hengis on , saaris on mučoinnu ."No nygöi iče lähten hävittämäh , muite tämä ei hävinnyh ". Menöö , saarin akan kel pajistah , sanoo :
– Tyttö kus on ?
– A siähäi kois !
- Kuibo händy hävitämmö ?
– Lämmittäät kyly da työnäkkää minuu kylyh .
Lämmitetäh kyly dai mennäh .Maamah tuoo buti̮lkazen dai tyttöine tuo buti̮lkazen .Maamalleh rubiaa hieromah , ga häi ošipkas ottaa maamahi̮but lkazen dai maamah kuoloo .Tuloo kodih , ga sanoo :
– Matkalaine kuoli kylyh .
Heidy kai suudoh annetah , kui sе kuoli .Vääritetäh muččoi , ga maatuškah sanoo , što häi tuletteli neveskää hävittämäh .
Akku lähtöö gul’aimah
карельский: ливвиковское наречие
Видлицкий
–
–
–
–
–
–
–
–
–
[Мертвая царевна]
русский
–
–
–
–
–
–
–
–
–