Тексты
Вернуться к списку | редактировать | удалить | Создать новый | История изменений | Статистика | ? Помощь
Elettih ennen mužikku da kondii
Elettih ennen mužikku da kondii
карельский: ливвиковское наречие
Тулмозерский
Elettih
ennen mužikku da kondii .Mužikku lähti kaskee ajamah .Kondii sie satui hänel vastah , puutui :
– Midä sinä root ?
– A kaskee ajan .
– Otas minuu dovariššakse , eiga minä sinul en anna ajaa .
– Nukka . Nukka yhtes !
Hyö kaski ajettih . Hyö kaski ajettih , palo poltettih , kai .Davai hyö kyndämäh , kylvämäh .Hyö enzimäzekse kylvettih nagristu .Heil kazvoi nagriz ylen hyvä .A mužikku vi̮dumaiččoo , kui nečiz nygöi sooha , kondies moonittoo nagrehet .
Kondiel sanoo :
– Kudamadbo čurat sinä otat ?
A häi , kačo , ainos kagroi riiboo da rugehii .Häi sanoo :
– Ja ...verhuški beru !
Duumaiččoo mužikku : "Hyvin i rood , ota , ota "!
– Vuota vai minä peestän , – sanoo , – sinul verhuškat .
Mužikku nagrehen nyhti , nagristu rodih kaksi kuoppoo , ylen hyvee .Nagrehen nyhti , no :
– Nygöi ota verhuškat sinä , n’ootit uberi .
Rubei niidy syömäh :
– Oh kehveli , moonitti !Ewle hyvä tämä .
Tossu vuon sih nagrizmooh mužikku kylvi nižun .Nižu rodih ylen hyvä , ylen hyvä , kazvoi vyössäh .Toos kyzyy , (sen kondien kel rootah , yhtes račketah ) dai toos kyzyy :
– Kudoodbo nygöi , d’eed’oi , otat ?
– A nygöi otan , – sanoo , – nene sängičuran .
Duumaiččoo , "Vot hyvin roovoit , ota vai ".
– Toos vuota nygöi , – sanoo , – sid minä uberin .
Mužikku nižuzet leikkai , uberi da kodih vedi eeres .Da vie staraiččih : kai sängyön lyčykkäzen , lyčykkäzen kičusti .
Rubeibos niidy kičustamah :
– Oh minuu , minuu , nygöihäi moonivuin .Nygöi , kačo , täz ni midä et soo .
Sih sudra meni .No olgah .
Sen dielon hylgäi .
Mužikku sygyzyl rubie vemmeldy loodimah .
– Midäbo nygöi root sinä ?
– Nygöi , – sanoo , – minä vemmeldy lain .
Tuondu keree da painoo , sid vemmeldy myöbi mužikku .
– Dai minä rubien !
– Nukka !
Leikkoou sangien sie tuomahazen , nyhtee .Rubiebo murraldamah vastakkah , se katkie .Toizen d’ernii pahas tavas .Se katkie .Erähän d’ernii pahas tavas – sе katkie .A mužikku vai hil’l’akkazeh painoo .Joga vewbelyt hyvä roih .Mužikku vai loodii , mužikku vai loodii mättee .
Häi suutui , lykkäi :
– Enämbi en minä rubie , – sanoo , – sinun kel družimah !
– Et rubie , ga ei ni pie , dovariššu , – sanoo , – mene , velli , kuz olit , sie i druži .
Sid mužikku peezi hänes , dovariššas eere hyväz mielez .
Loppih se zookkun .
Elettih ennen mužikku da kondii
карельский: ливвиковское наречие
Тулмозерский
–
–
–
–
–
–
–
–
[Дележ урожая]
русский
–
–
–
–
–
–
–
–