Тексты
Вернуться к списку | редактировать | удалить | Создать новый | История изменений | Статистика | ? Помощь
Timka
Timka
карельский: ливвиковское наречие
Видлицкий
Timka oli
ylen viizas .Kerran häi luoo heinää puukesken .Sid kävyy kaččomah , ga joga päivää heinät puoletah .Yhten kerran häi ottaa yhteh kormanih hernehty , a toizeh kivytty hienostu .Menöö sinne da nouzoo puukesken pääle , kodvazen vuottaa .Sid tuloo karu .Karu rubiaa heinää syömäh hänen puukeskes .Timka sanoo :
– Älä syö heinää , syö hernehty !(A andaa kivytty ).
Iče syöö hernehty .Iče gu Timka puroo hernehty , kai lojahtah , a karu sanoo :
– Minä en voi purta .
Timka sanoo :
– Vuotaz minä puren , minun hambahat ollah lujat !
Dai puroo lojahuttaa .Karu sanoo :
– Gu olet nengoine vägevy , läkkä meijällöö .
Timka sanoo :
– Lähten .
Dai hyö lähtietäh .Astutah lehtimečäs , pedäimečäz i kuuzimečäs poikki .Hyö mennäh kodih , kodi on korves .Hyö mennäh sih karuloin kodih .Starikku-karul on kolme poigaa , poijat dai iče ollah vägevät .Dai starikku kerdoo poijil :
– Ylen on tämä vägevy .
Vanhin poigu sanoo Timkal :
– Davai opimmo lykkiä yläh sadapuudahistu kivee , kudaan menöö ylembi ?
Timka sanoo :
– Davai .
Dai lähtietäh pihal .Karu gu ottaa viuhkaa giir’an , se giir’u lendää pilvissäh dai maale pakkuu .Taivahal nävyttih pilvenhattarat .Timka sanoo :
– Minä gu lykännen pal’l’an , sinne i jää pilvihattarah , ei tule ni ääre .
Karu sanoo :
– Älä , velli , sid lykkää , taatan pal’l’u on .
Timka sanoo :
– Lykkään !
– Älä , velli , lykkää , diedoošin pal’l’u , taatošin pal’l’u .
Timka sanoo :
– Olgah , en ni lykkää .
Karu sanoo :
– Davai kirgaamah , kudai enämbäl kirgaa .
Timka sanoo :
– Davai .
Dai mendih koivumeččäh .Karu gu ottaa hol’ahuttaa – kai puut kaavutah .Timka viččaa leikkaa .Karu kyzyy :
– Miksebo viččaa leikkaat ?
Timka sanoo :
– Leikkaan sikse , gu minä kirgaan , ga koit , kivet , kai halletah , a ičelleni viccazel pään sivon .
Ičelleh i sidoo vičan pääz ymbäri :
– Sid ei ni halgia .
Karu sanoo :
– Älä , velli , kirgaa .
– Kirgaan .
– Älä , velli !
– Kirgaan .
– Älä , velli , kirgaa !
– No olgah , en kirgaa , proštin tämän kerran .
Ääre i lähtietäh kodissah .Karu sanoo tootalleh .Sid päädy lekutetah toizet .
Lähtietäh karun kel puudu vedämäh .Timkal ei ole vägee ni počti iččiedäh kandaa , a pääz on vägee duumaija .(Viizas on )! Timka kaadaa ylen suuren kuuzen .Karu sanoo :
– Miksebo nengozen suuren kuuzen kaavoit ?
Timka sanoo :
– Onhäi vägee .
Timka ottaa da leikkaa ičelleh ongiraagan da terendää pään ongiraagas .Iče ottaa kandaa tyvipuolen , a karul andaa ladvupuolen , da sanoo karul :
– Gu kačahtannet taaksepäi , sid ongiraagal silmät kaivan .
Lähtietäh kandamah sidä puudu .Timka istuhes tyvel da vai tabakan vai kääri , a karu higessäh puudu vedää .Karu sanoo :
– Davai huogavummo .
Timka sanoo :
– Emmo vie väzynyh .
Karu sanoo :
– Davai .
Timka hyppäi tyvel ääres i sanoo :
– Davai .
Timka sanoo :
– Midäbo nenga hies olet ?Minä ni yhty en ole hies .
Karu sanoo :
– Minä , velli , väzyin .
– Minä en ni yhty väzynyh .
Lähtietäh uvvessah .Timka tyvel istuhez i kodih ajaa .Karu kodih mendyy saneloo , a Timka kuundeloo uksen tagan .Starikkukaru sanoo :
– Tappaa pidää ääre , gu maata vieröö .Sid mengää da sadapuudahizel pal’l’al iškekkää .
Timka sen kuuli da saraal maata i lähti .Iče kuz magai , sih pani kartazen , a iče vieri pimieh čuppuh .Nuorin karu tuloo dai išköö sadapuudahizel pal’l’al : kai kartupalat lennettih .Huondeksel mennäh i kirratah :
– Timka , nouze čaajul !
Häi hyppää tilaz ääre , iče kirgaa :
– Vie ni čortat kulakkažilleh ei olla , työ d’o čaajul kučutto !
Mennäh i čaaju d’uvvah .Lähtietäh vedämäh tervastu kandoo i niidy vietäh saraan bokku täyzi , kus Timka elää .Timka uksen tagan kuundeloo .Vanhin karu sanoo poijil :
– Nygöi ku vieröö Timka maate , työ pangat tuli tervaksizih .
Timka menöö , levol azuu loukon da vieröö maate omassah tilal .Yöl tuloo karu dai sytyttää tervaksizet palamah .Timka hyppää levoz äärez dai meččäh .Sid gu saraa palaa , Timka menöö dai vieröö tuhkien pääle .Huondeksel karu nostattamah tuloo :
– Timka , nouze čaajuu d’uomah !
Timka hyppäi i sanoo :
– Vie ni čortat kulakkažilleh ei olla , työ d’o čaajuu d’uotto !
Menöö , čaaju d’uvvah .Karut smietitäh , ei ni kui saa täz miehes päästä .Hyö nedäli kuivatah nižustu zuuharii .Pannah burkkiloih maidoo , a zuuharit suurih haavoloih .Timka ku kuuloo sen , što pajetah , ottaa da menöö zuuhariloin välih .Karut lähtietäh , d’uostah täytty vägee .Timka haavos kirgaa :
– Tabaan !
Hyö vie enämbi d’uostah .Uvvessah nostah i sanotah :
– Davait’e huogavummo !
Timka kirgai :
– Tabain !
Hyö sumkat dai haavot sih dätetäh , iče d’uostozil pagoh .Timka ottaa azuu loukon haavoh i tuloo ääre haavos .Hänel dää ylen suuri kard’u heboo , toine kard’u lehmää , leivät da maat pääle .Kudamat haavoz zuuharit däädih meččäh , niilöis haavoloiz rodih vedämisty kolme nedälii kymmenel hevol .Konzu Timka rubiee lehmii lypsämäh , sid maidoo pääzöö ynnälline žbaanu .Yhten kerran Timka lehmien lypsäjes pakui maidožbaanah , sie päästyy häi ei mennyh enäm žbaanan reunal lypsämäh .Häi laadi lavvat žbaanan pääle da niidy myöte pääzi .
Mugaleite Timka däi elämäh .
Timka
карельский: ливвиковское наречие
Видлицкий
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
Тимка
русский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–