Тексты
Вернуться к списку | редактировать | удалить | Создать новый | История изменений | Статистика | ? Помощь
Kindahas elettih rahvas kai hyvin
Kindahas elettih rahvas kai hyvin
карельский: ливвиковское наречие
Ведлозерский
Kindahas
elettih rahvas kai hyvin .Elettih hyö , ei tietty midä pidäw ruadua , kui ruadua pidäw .Heil oli Preežäh kaksitostu virstua .Preežäр ruadoo kyzymäh käydih .Taloiz oli sie ylen del’n’oi Vanka , brihačču .
– Menes sinä , – sanow , – sinä olet del’n’oi , sinä , – sanow , – tiijustat terväh .
Menöw keviäl .Meni , ga halguo leikatah .Tuli :
– Halguo leikatah Preežäs .
Davai hyö halguo leikkuamah .Halguo leikatah .Leikattih , leikattih halguo , meččee Kindahas täwdyi kylläl .Kai kylvön aigu halguo leikattih .Leikattih , ga hyvä .
– Nygöi roih , – sanow , – halguo , menes , – sanow , – tiijusta , – sanow , – midä ruatah Preežäs ?
Meni ga , sanow :
– Heiniä niitetäh .
Niitetäh ga , davai hyö niittämäh .Niittuloil mendih , niitettih , niitettih ga .Loppih niitut .
– Menee tiijusta , – sanow , – midä ruatah Preežäs ?
Meni ga .Hebo töllönnyh mužikal , hebuo nylgöw .
– Midä ruat ? – sanow .
– Hebuo nyllen . Meil , – sanow , – kai hevod nygöi , – sanow , – tapammo iäre , – sanow , – kai pidäw nylgie .
Kodih tuli , ga sanow :
– Heboloi nylgietäh , – sanow , – hevot kai tapetah Preežäs .
Davai hyö .Kai hevot tapettih iäre .No hyvä .
– Menes , – sanow , – tiijusta , – sanow , – midä ruatah Preežäs .
Uvvessah menöw , ga sanow :
– Leikatah vill’ua .
– Ka meile , – sanow , tuli ga , – eibo kylviä puwtuttu , ei sua leikata .
Nu ladno , ei sua , ga hyvä .A oli sie yhtel ennisty kylvettyy , sygyzyl kylvettyy ruistu .Ruistu oli ga , sie nyhtittih rugehie .Nyhtittih ga .Mužikku tulow sie , jällel kaččow , ga nyhtien on kai .Hänel on čirpi .Lyyhtehen leikkai , čirpin heitti , sih jätti .Jätti siih ga .Menöw .Tossupiän mennäh hyö .Mendih ga :
– Kačo vai , čirpi on , – sanow , – täs on leikattu .
Davai čirpil leikkuamah .Ruvettih leikkuamah , käin i leikkai akku .
– Oi , sanoin vit , – sanow , – neče čirpi on piäniekku , – sanow , – ei pie ottua čirpie , koskie !
Sanow :
– Vedeh pidäw panna iäre čirpi .
Dai kerdyi sih rahvastu .
– Tai neče on , – sanow , – piäniekku !
Kai mužikat kerryttih :
– Davai vedeh panemmo .
Sivottih čirpi nuorah , toizeh tobd’u kivi , toizeh agjah .Venehel lähtiettih , mužikkua viizi veneheh .Sanow :
– Nygöi kuduambo lykkyämmö enne ; čirpin vai kiven ?
Sanow :
– Čirpi pidäw lykätä .
Toine sanow :
– Kivi pidäw lykätä !
– Davai lykkyämmö kiven !
Kivi , velli , gu tuijatah sinne vedeh , suuri kivi .Ku nuoru n’ulahtah , čirpi tartui venehen laidah – kaikkii vedeh pani .
– Vit , – sanow , – sanoin , čirpi on piäniekku , – sanow .
Vai sie šlömistih kodvu .No hyvä .Piästih iäre randah .Piästih randah , ga hyvä .Koivu tobd’u , ylen tobd’u Šuojun rannas .Sanow :
– Nečis koivus , – sanow , – brujua rodizes , – sanow , – mene tiijä mi hyveä brujua .Sit , – sanow , – rodizes , – sanow , – sadulii , – sanow , – oksis rodizes kirvezvarttu , oksien oksis oraizen peädy rodizes , – sanow , – a mene tiijä mi , – sanow , – moine on koivu !
Leikattih , leikattih .Koivu on ее Šuojuh päi , sinne ojah päi nojalleh .Ei kuavu .Sanow :
– Pidäw puuh nosta neče .Kaikin nossemmo vai puuh , – sanow , – sit kuaduw .
Nostih velli puuh .Ku koivu briužahtihhäi sinne , Šuojuh , hyö kai vedeh !Sie jäi yksi vie , mäile jäi .Sanow :
– Tual Fed’al vai polad räijähtäh , – sanow , – linnah menöw kofeidu juomah , – sanow .– Se , – sanow , – matkai kofeidu juomah linnah .
A sid yksi piäzi , toizet kai mendih sinne vedeh .
Kindahas elettih rahvas kai hyvin
карельский: ливвиковское наречие
Ведлозерский
–
–
–
–
–
–
–
–
–
–
–
–
–
[Киндасовцы]
русский
–
–
–
–
–
–
–
–
–
–
–
–
–