Тексты
Вернуться к списку | редактировать | удалить | Создать новый | История изменений | Статистика | ? Помощь
Eli kerran ukko ta akka
Eli kerran ukko ta akka
карельский: собственно карельское наречие
Кестеньгский
Eli
kerran ukko ta akka .Heilä oli tytär .Akka i läsiyty .Ennen kuolentua tyttärelläh jätti käsipaikan ta sieran , a ukollah jätti kuokan .Ukko i alko ahissella tytärtäh .Hyö lämmitetäh kyly , i ukko tuumuau , jotta kylyššä hiän ahistau tyttäreh .Ukko käšköy tytärtäh kylyö valmistamah .No tytär läksi kylyö valmistamah tai arvai , mittyset on ukolla meininkit .Kylyššä hiän šylki altahan piäh , mi puaji hänen ieštä .Iče läksi pakoh juokšomah .Tulou ukko kylyh i šinčistä kyšyy , onko hiän kylyššä .No šylki i vaštuau altahan piäštä .Ukko mäni kylyh , ka ei ni niä tytärtäh .Eččiy , eččiy , no ei löyvä .Ukko tyttärellä peräh .Juokšou , juokšou , jo alkau näkyö :
– Kačaha , tyttöin , tänne päin !
Tytär kuulou , jotta ukko on takana , lyöy šenin käsipaikalla kolmičči ristih i šanou :
– Täh tulis vierukka-vuarukka ,
kivikkö , kannikko ,
jotta ei piäštäis jaloin juoksijat ,
el šiivin tentäjät ,
yličči , ei ympäri ,
ei päičči , ei piäličči .
Ukon ta tyttären välih šenin tulou šuuri vuara .Ukko arvelou : "Olisko še akkani jättämä kuokka täššä !"
Tai juokšou , käyt kuokan koistah .Tulou , kaivau , kaivau tai šuau reijän läpi vuarašta .Rupieu kuokkua peittämäh , a lintuni i näköu tai laulau :
– Či , či , čijasen ,
Vajan-kujan varpusen ,
Ukko peiton peittäy ,
mie šanon kylän akoilla ,
kylän akat viijäh .
– Huh , huh , huh , vielä ne kuokka viijäh , – šanou ukko ta kuokan kotih viey .
Tuaš juokšou peräh .Jo on tavottamašša .Tyttö i kuulou .Tuaš kolmičči käsipaikalla ristih lyöy i šanou :
– Täh tulis vierukka-vuarukka ,
kivikkö , kannikko ,
jotta ei piäštäis jaloin juoksijat ,
ei šiivin lentäjät
yličči ei ympäri ,
ei päičči , ei piäličči .
Tuaš hiän välih šuuri vuara kašvau .Ukko tuaš i tuumuau , jotta "olis kun akkani jättämä kuokka täššä ", tai käyt kuokan koistah .
Kaivau , kaivau tuaš i piäšöy vuaran läpi .Rupieu kuokkua peittämäh , a lintuni puušša i laulau :
– Či , či , čijasen ,
vajan-kujan varpusen ,
ukko peiton peittäy ,
mie šanon kylän akoilla ,
kylän akat viijäh .
– Huh , huh , huh , vielä ne kuokka viijäh , pitäy kuokka kotih viijä , – ta ukko kuokan tuaš kotih viey .
Tuaš i juokšou , juokšou tyttäreh peräššä .On yllättämäššä tai šanou :
– Kačaha , tyttöin , tänne päin !
Tytär tuaš i kuulou tai kačahtau tuakše päin .Ukko on aivan tavottamaisillah .Nyt tytär lyöy ristih kolmičči sieralla tai šanou :
– Täh tulis tulini koški tai košen kešellä šuari !
Niin i tuli , tai ukko jäi kešellä koškie šuareh .Tuoštah tytär piäsi rauhah ukošta .
Eli kerran ukko ta akka
карельский: собственно карельское наречие
Кестеньгский
–
–
–
–
–
–
–
[Погоня за дочерью]
русский
–
—
–
–
–
–
–