Тексты
Вернуться к списку | редактировать | удалить | Создать новый | История изменений | Статистика | ? Помощь
Juduakka
Juduakka
карельский: собственно карельское наречие
Толмачевский
Elettih
ukko da akka .A akka oli ilman paha akka , nagoli judai , i judai , i judai , i judai .Nagoli , midä mužikka , ukko , ruadau , hänellä nagoli pahoin .
No yhen keeran läksi mužikka gribah meččäh i löydi äijän -äijän gribua .I toi gribua značit ten i löydi šuuren -šuuren hauvan .I šanou :
– No kuin bi miula šezistä akašta nyt tena tädä , izbuaviečie ?Ka , – šanou , – nyt mie hänen sčas muanitan !
Šežen hauvan piällä pani havuo , pani , pani , pani , pani .Šinne havuloih pani gribua mäne tiijä min .Tuli kodih griboinke .Akka i šanou :
– O-o-o !Toit min äijän gribua !
– A kuin jäi meččäh , mäne tiijä min vielä . Ei šuanun miula taššie .
– O-o-o ! Ka olet !Ka olet tena , ei šuanun vielä hot’ mih kerätä da tuvva gribua .
– Niin , aššu , – šanou , – miunke yheššä ! I kahen keššä i tuomma äijän gribua !
– Nu aššu !
Nu i lähtei toispiänä meččäh , a ukko nagoli hil’l’akkazeh , hil’l’akkazeh akkua vedäy haudah päin .Akka kuin dogadi gribua mäne tiijä min , oi kuin läksi boikko -boikko keriämäh šenie griboida .A mäni havuloin piällä da i haudah i bul’ahti .Haudah bul’ahti , mužikka risti šilmät da i tuli kodih .
Eläy , eläy , eläy , eläy , eläy hiän da i šanou :
– Oi , nu ko lähen hot’ kačon , kuin akka šielä hauvašša eläy , on go elošša , ali evle ?
Nu , otti nuoran pitän , šido tämän kiven i laški šinne .Laški haudah šežen kiven i rubei šielä bul’auttamah .Bul’autti , bul’autti .O , kaččou , što jygeni nuora .Rubei noštamah .Nošti , nošti , nošti , nošti .O-o-o-o !Šiinä šarvet tena !Oi , ukko pölläšty , viškai šene nuoran šeže järelläh haudah !
Šiidä duumaiččou :
– Nu ko uutta pruubuičen kaččuo , što za šielä on žiivatta šarviloinke .
Nošti , nošti , a šielä čorta .I čortan i nošti .Čortan nošti , a čorta i šanou :
– Oi , ka šuuret šiula spassibot tena , kuin šie miun viiručiit , kuin šie miun piäššiit šezistä judu akašta .Kaččokkua !Elin , elin hauvašša ylen hil’l’akkazeh , hyvin eliin .Niin mistä šeže akka miun luoh tuli , mistä pojaviečči ?Ni mityttä eländiä miula ei ole .Elä vain milma järelläh lašše šinne haudah !
Nu mužikalla lieni čortua žuali , muissutti , kuin iče akanke eli .I otti čortan kodih .I ka ruvettih čortanke elämäh , a akka jäi haudah .
Juduakka
карельский: собственно карельское наречие
Толмачевский
–
–
–
–
–
Шумная старуха
русский
–
–
–
–
–