Тексты
Вернуться к списку | редактировать | удалить | Создать новый | История изменений | Статистика | ? Помощь
Neižne voikab laval
Neižne voikab laval
вепсский
Южновепсский
Sirte
, äjou tatkoo , sirte , äjou mamkoo ,
mii eme voiliima i dumaida i smet’t’a
necen suren dumaažen , necen suren smet’kaažen ,
necen suren gor’aažen ,
eme voi ni složd’a , ni plošt’a .
Oi , ja setei äjou tatkoohut , lähembašti sä lähenoo
i abuta sä miile necida kaita i karavul’da
ičiin' čomad käbedad krasašt , ičiin' vaaktad da vaadašt-se .
Oi , jo setei äjou mamkoohut ,
lähembašti lähenoo-se minullost ,
abuta karavul’da i vardjoota ičiin' čomad käbedad krasašt-se .
Anastabad krasan , panobad stolale , hän voikab sit’ :
Oi , jo setei äjou tatkoo , ed jo abutand ni kaita , ni karavul’da-se ,
No jo kirbozi , kadoo ičiin' čoma käbed krasaane , vaaged vadaane .
Sugibad pän :
Setei äjou tatkoo ,
sugi , tazota milein’ čoma pakuune kosaane-se ,
čoma tazo lisaane-se .
Ik jo hän sugižhe i tazoitaižhe kut milaan’ sugiži i tazoitel’he
čomile veslįle besedaažile da čomile veslįle da praznikaažile .
Ni sugnuse , ni tazoitanuse ,
kut hän sugel’he , kut hän tazoitel’he ,
hän jo pel’gästanu jo surt da gor’ašt-se .
Neižne voikab laval
вепсский
Южновепсский