Тексты
Вернуться к списку | редактировать | удалить | Создать новый | История изменений | Статистика | ? Помощь
Voik kollijas sizares
Voik kollijas sizares
вепсский
Средневепсский восточный
Sula
, l’ubovnii sina čižoihudem ,
kerazitoi sina i kogozitoi .
Mikšak sina ku ed sanund-se nikelle ,
üks’ ühteleiž , üks’ ičeleiž ?
Kerazitoi sina i kogozitoi ,
nägub ku nügude ladid' sä da erigata
üks’ ühteliž , üks’ ičeliž .
Kutak sina racid' da gätta
ičeiž libedan da linduižen-se
eigaližeks da sirotinaks .
Sula l’ubovni sina čižoihudem ,
ei tarbiž ouniž sinei necida dumašt-se da dumeida ,
necida radošt-se da rata vast käbedaha da kezeižehe-se .
Elänuižid' sina vuu hot’ ühten käbedan da kezeižen-se ,
ühten volhan da voduden-se .
Ved ku sinei , libed da linduine-se , veiše seičas ustanovnus ,
raffan da karččikš-ni da raffaližeks dei raffan karččikš .
Löuzid' ku ičelaz da veslan da venčaižen-se ,
ladnižid' sina vuu ičiiž da melütme-se da ičiiž da dumaštme-se .
Sula , l’ubovni sina čižoihudem ,
kacu-ške sinei om tuunu , armaz da svatjoihud-se ,
blahoslovi-ške sina ičtaiž , libed da linduine-se ,
necile laskvale da svatjoihudele-se .
Sula , l’ubovni sina čižoihudem ,
nu da ladimei mö ku sindai vöda
ledho čomaha da mahudehe-se .
Emei račteiš ku mö sindei keimata i pravat’t’a ,
emei račteiš ku mö sindai vuu krept’a-se
ledho čomaha da mahudehe-se .
Sula , l’ubovni sina čižoihudem , nügude nägub ,
ku sina eraganded , keikiš ičeiš levedas heimokundaspei ,
ičeiž libedan da linduižen-se .
Sula , l’ubovni sina čižoihudem ,
kukkuškatas jo ku da käbedad da kägohuded-ne ,
ka käte-ske sina käbedaks da kägoihudeks-se ,
tule-ske sina keikiš lähembeičehe da puhudehe-se ,
ištte-ske sina keikiš aleimbeičehe da okseižele-se .
Sula , l’ubovni sina čižoihudem ,
miak sina ku necen dumeižen-se da dumeid' ,
necen radoižen-se da radoid' .
Ei vuu tarbiž ounu dumeida ,
ei vuu tarbiž ounu sini rata .
Voik kollijas sizares
вепсский
Средневепсский восточный