Тексты
Вернуться к списку | редактировать | удалить | Создать новый | История изменений | Статистика | ? Помощь
Noššatetah moršienta
Noššatetah moršienta
карельский: собственно карельское наречие
Кестеньгский
Valveuvukšentele , vualimaiseni vallallini , valkeih
ilmoih šiätäjän vualijaiseš vakavilta vuatešijasilta .Vet on valkeih ilmoih šiätelijä vualijaiseš vakavaiseh valveutellun vuatešijasilta .Ennen kun ruvetah vualimat valveuttelomah niiltä vuatešijasilta .Kačo , vualimaiseni vallallini , tullah valkuomattomat vaimalaiset ni varenččapäiväsien valkuonta-aikasina .
Varottele , vualimaiseni vallallini , huomenešvarenččan valotešša valkien šynnyn varenččapäiväsistä , kuin ne vualimat valveuvukšennellah piältä vuatešijasien .
Očunivukšentele , ottamaiseni oimullini , näiltä orheih ilmoih šiätäjän ottajaiseš olkašijasilta , ennen kun ottamat ruvetah očuniuvuttelomah olkašijasilta , nin šuuret tullah ottamien ostuutašanaset .Et voi oimun nuorikkaisih olkuolu osramielialasih ...
Ottajaiseni , etkö voi , kun olet ennen olkuol'l'un ottamissa oimun loittosissa , ni etkö oprataikšennella tai oivellella ottamista onehta varruttani oimun ensimmäisissä olkuontašijasissa .
Et tiijä , ne ollah ottamat niillä ostuutašanoilla otvetikšentelijat enšimäisissä ovijen avaukšissa .Joko en voine niissa oimun loittosissa or'hie mielijen ottamissa ottamien ovija avautella .
Or'hien šynnyn Otavatähtilöistä , ottamaiseni oimullini , oimun šilmittele ottamissa oimun loittosissa , jotta konša olkuolou otvetittava oimun kohtalahiseš puolilta orheita ilmasie kera Oulun oštovetysien , ni elä unohukšentele näillä or'heih ilmoih šiätäjän ottajaiseš oimun antamilla olkašijasilla .
Muuta kun olkapäiješ nenäsillä ole niillä olkašijasilla , ta ouvoššukšentele or'hien šynnyn Otavatähtilöillä , jotta konša ošuttauvukšentelou otvetittava oimun kohtalahiseš kera Oulun oštovetysien , ni elä niillä olkuonta-aikasilla ot'vieti ostuutašanasie .
Muuta kun oimun ašettele oimun armahien šanasieš keralla ottamien olkašijasilla . Anna ei hän sillä oimun enšimmäisillä olkuonta-aikasilla ot'vetikšentele ulkopuoliloilla or'heijen ilmoien olkuolijiksi .
Kačo , ne tullah šuuriksi opualaisiksi , kun ruvetah ottamien lapšet šielä ulkopuoliloilla otvetikšentelomah ta ossutikšentelomah niitä olotušaikasie .
Kannettuiseni kallehuš , kajon šilmittele kallehen šynnyn kanunapruasniekkaisina , kunne kaipaššukšentelou kajon kohtalahiseš .Eikö kaipaššukšentele niillä kannettuijen katešijasilla .Ni elä : kaihoilla šanasilla häntä katkuale , hot kapakkoijen kera kajon kualelou .Ta kun kapuole kakšilla kalovehkätysiilä hänen kaklapuoluset , anna ei hän kajon ensimmäisissä kajon olkuol'uaikasissa šilma kajon ašettelis kallehien ilmojen kajon kualelijiksi .
Kačo niitä kallis narotakuntani kovuan ruvetah karmakašta kallehilla ilmasilla kaihoilla šanasilla kajon ašettelomah . Kun kannetut ruvetah šielä kaččiuvukšentelomah kannettuijen puolilla kallehie ilmasie .
(Šillä šiitä moršiemella nämä kaikki laulat , sitä kun nostamah mänet makuamašta ...)
Noššatetah moršienta
карельский: собственно карельское наречие
Кестеньгский