Тексты
Вернуться к списку | редактировать | удалить | Создать новый | История изменений | Статистика | ? Помощь
Tulenda virzi
Tulenda virzi
карельский: собственно карельское наречие
Паданский
Olizitten vikattehen pannun
pordahien alla ,
ana polvien loodimat oldaiz poikki postrelittuheze ,
ana d'alga [olizi ] l'eikkaudun ,
ei onehta Oudii ottamah oboidis .
Oi , ottajazeni okluada , olizit ottanun oigiella olgapeellä
obladaittavat oigeammat oružaraudazet ,
olizit , ottajani uuličalla ostrelinnun .
Ei olis mielipäivin dostalit mielin umuttazet nenien looduzet .
Oi olova kandajazeni , onehina olovad olkozvierit tuldih
onehta Oudie ottamaa mielipäivinä ,
on d'o dostalit minuuttazet .
Oi kallis hyväzeni , läkkä kallehien päiväzien uuličoilla
kaheksi syliehizet kanavat kaivamma ,
kargien Oudin varrut kallehien päiväzieni uuličalla
kata kanavoih , ennen kandamien kaimuandua .
Oi sula sugie hyväzeni , loodi suudimattomat surmat
ennen sujendamien suoriendua .
Oi l'ämmin hyväzeni , l'ämbiemättömän lindurukan varret
olizit lämbimien lenijäzieni l'ämbimyzih
l'eävih l'äpehyttän ennen liänimien l'ähendiä .
Ved' kargien Oudirukan kaunehet kananimyöt
kandamien paikkoih kualahuo , [katkatah ]
kaksiksitoista kalikan sauvvaziksi .
Oi odo hyväzeni , azettele sada soalista
sormen n'enih soittajiksi linduziksi
miun kaunehet kanaperjazet .
Oi armas hyväzeni , azettele aigamazieni artt'elit
angehen Oudin armotta varduot
armahan narodakunnan vastoih .
Oi mieli hyväzeni , azettele mielikirjavan lindurukan varret
mieli mierokunnan miettoih paikkoih .
Elä , udala hyväzeni , azeta udran Oudin varduzie
uččimien paikkoih igiziksi ukoroidaviksi .
Kalliz hyväzeni , keryä kallista omakunnaista
kaunehia kallehie kananimyzie kaimoamah .
Ved' , ihala hyväzeni , inhun Oudin varret
izmenittömäksi igizeksi izvedittieh .
Elä azeta igiziksi ukoroidavaksi .
Tulenda virzi
карельский: собственно карельское наречие
Паданский