Тексты
Вернуться к списку | редактировать | удалить | Создать новый | История изменений | Статистика | ? Помощь
A vuota jo rubielen
A vuota jo rubielen
карельский: собственно карельское наречие
Мяндусельгский
A
vuota jo rubielen jo kyl'm'äozalline
sinun lähil'ä kyhyät'en .
Hoz en ole vet siun armahan kandajazen armahus ,
a vet olen mie kallehen naizen kandajazen sijalline .
Hoz en ole viekkahila muailmoila piäl'ä
viekkahan kandajazen armahus ,
nin vuota , kyvelmäne , kyhyät'en siun lähil'ä kyl'lest' .
Sanelen viel'ä siula , mint'äh n'ämä duumazet sie duumaičit ,
aivozista ga aijoista suaten obdeelaičet ?
Vet oldih siula možet i nesvetuučoit aigazet ,
mint'än sie aivozista aijoista suate
ottamien omenan kera omosvat luajiit ?
Vain omistai nuoristai , nerazumnoloista mielyzist'ä duumaičit ?
Vuota vain vielä rubiet angeh
armahila muailmoila piäl'ä kuin elämäh ,
nin siid'ä , angeh , rubiet omie aigazie ,
nuorie aigoi duumaimah .
Vet oldih siula , hoz ollou pal'l'ozeni paha meijen kera ,
parahan hyväzen paikois ,
nin udrazeni vet polno dovol'noin unuon sie magazit ,
mageissai , manasterskoloissa magavosijazis (sa ).
Ei vet siuda alguigäzien azettaja armaz hyväzeze ni vous'o obiidin .
Eigo kyllä hyväzeni siuda
vous'o ni mil'l'ä siuda sanonun .
Eigo angehta siuda armaz hyväzez
ni nuorista aijoista suaten ruatattanun .
Vuota rubiet pobiednoin alazen
muamindiman sanoi arvualemah .
Moužet mie siula , surendo varduvud ,
moužet suuret viäryöd i vinnostizet ollen ku luadinut ,
andele miula polvinpiälizet polviproškenjazet .
But't'o kuin surendama varduvud suurekkali siula
viäryzie ni vinnostizie engo luadinut .
Vet armahien muailmazila piäl'ä siuda
armahasti kaikela aijoila akkiloičin .
Vuota ku n'ytten rubiet kui
omahista aivozista duumista suaten
ottamien omenan kera igizie da iskolivečnoiloi
igäaigaziego azettelemah .
Myt'ys siula angehela varduola ,
aigauduu vie nuoristai zel'oonoiloista
svetuučoinoista aijoista suaten siula ottamien omena .
Nin moužet rubieu , siun sittimän varduoni
siun n'ervoila ainu rubieu kizuamah ?
Moužet siula rubieu ottamien omena
kabakkagoved'yzie aino viähät't'el'ömäh ?
I rubieu sugeila muailmoila piäl'ä
suurie viinaved'yzie aino viähät't'el'ömäh ?
Oi surduma lapsi , rubiet sulamah suolaragehuizien sijoih ,
i , kargie , rubiet kaidenemah kagranjyvie kaijemmiksi .
Vet oldih siula hos n'ämä
polvi hyväzen azetetut paikat ,
igizet da iskolivečnoit spomninnad roitah .
A vuota jo rubielen
карельский: собственно карельское наречие
Мяндусельгский