Тексты
Вернуться к списку | редактировать | удалить | Создать новый | История изменений | Статистика | ? Помощь
Voota vai rubien
Voota vai rubien
карельский: собственно карельское наречие
Мяндусельгский
Voota vai
rubien , inhu
da monien igävien alla olija muamokulu
oi inhun muamon ouvoista siämyzist'ä igäyt'et't'y ,
imbi alli idvomazeni , kui siun n'äilä aigazila jo
kaksien lauččojen katkauksila kannottelin .
Hoi kargien muamoraiššan
kaunehista kanaveryzist'ä kataidu ,
karjojen alottelija kana kandamazeni ,
kargie karuozalline kandajakulu
siun kallehih spoaššusih azettelin .
Oneh ozattoi muamokulu
omila ozattomila okajannoiloila ozaraiššoilani
olovila muailmazila piälä obdielaičin ni .
Rubien olovih spoaššuzih
n'äil'ä aigazila siuda olottelomah .
Kargie kandajakulu siuda rubien kallehih syndyzih
omilani karuloilani katenuzil'a käzikalovehuzila kattelomah .
Inhu monien igäväzien alla olija ,
ihaloi kandamazeni , livud ihalih spoaššuzih
n'äist'ä vihannoista i zel'onoiloista
i molodeckoiloista aigazista siun viedih .
Kargie muamokulu kallehih spoaššuzih siun kannottelen ,
omilani karuloila i vaibunužila
käzi kalovehuzila siun kannottelen .
I kun aivan jät't'elet omat kallehila ilmoila luajitut ,
kaksikerdazet kallehed l'ubiimoit jeähäh lapsirukat ,
kui vihanoistai zel'onoiloista aigazista sua
mie siun viekkahih spoaššuzih vieni .
Siun jeähäh sido muailmoila luajitut
kaksinkerdazet šittimäset sido ilmazie myö sirotuimah .
(Vaivuin .)
Voota vai rubien
карельский: собственно карельское наречие
Мяндусельгский