Тексты
Вернуться к списку | редактировать | удалить | Создать новый | История изменений | Статистика | ? Помощь
Miehel mennes neidine itköy muamolleh
Miehel mennes neidine itköy muamolleh
карельский: ливвиковское наречие
Сямозерский
Vuota
opin , leinäine , livuksennella
libun armoizen luaittuloi late lahkoizie myö
dostalit kerdaizet omani l'ubiimoloil
päivien valgevuizil valdaizil oldih , kieraizeni , nivelyöt
Endizil liikundu-kerdaizil oldih , kieroizeni , nivelyöt
kipučeskoloin kalaizien kirmevyöt nivelyöt kieraizel ollah .
Nämil liikundu-kerdaizil ollah
kui kuuzien puudaizien painajat giir'aizet
minun nuoris jalgaizis .
Ollougo kuldaine armoine kurjaizen
korvaizen kuuluvil kohtaizil ?
Viego painuksennellou , paras armoizeni ,
palehtunnuon ker yksil paginaizil ?
Andelen , angehut aigu armoizel alahaizet piäpoklonaizet .
Valgaelen , vaimeloine , valgiel armoizel viijet varbahaizet
kurjaizil omani kylly-kyynelvedyizil .
Kuulevai , kuldaine armoizeni , kurjaizen sanaizet ,
edgo voi vie nämie kauppaizie kaksih čuraizih kaldaella ?
Hoz jo et voinne , ihaloi armoizeni ,
ihalis ikkunpieluzis armahinnu ad'voizinnu pijellä ,
Minä ruadelizin , kieroine ,
kiirehiä krest'janskoloi ruadozie ,
vai olis , sula armoizeni , sinun sulaizis sulaellakseh .
Kuijo et voine , kallis armoizeni ,
kaunehien rungaizien kaunuizil kaunistella ,
ga en jo , kyvelmöizeni , kyzelis
ni kaunehien rungaizien kaunuizie .
Kuijo et voine , libun armoizeni ,
leyhkehin leibäizin leivitellä ,
ga panettele sinä , paras armoizeni ,
nämikse vuolahikse vuoduizikse .
Hoz jo , leinäizeni , liittoizie ga vuottelizin .
A sinä vai , libun armoizeni , nägyy
liitottomikse livuttelit ilmoin livutettuloin keskeh .
Kuule vai , kuldaine armoizeni , kur'jaizen sanaizet .
Kuijo et voine ni mih luaduizih nämie kauppazie
kaksih čurajizih kaldaella ,
kuundele sinä , kuldaine armoizeni , kurjaizen kyzelyöksyöt .
Andeledgo , aigu armoizeni ,
alli-linduizien andulaizis alustaizet
angehuol ilmoin aigamien keskeh azettues ?
Andeledgo sinä , pezijöi armoizeni , piäčkoi-linduizien
piähöyhenyizis pehmiet pieluksuot ,
peigoizel , ilmoin pestylöin keskeh pezoittues ?
Andeledgo , kallis armoizeni ,
kaheksanahkahizet katuhkaizet kadalaizel
ilman kandomien keskeh kanzoittues ?
Andeledgo , or'hijoi armoizeni , osoobinnoid od'd'ualaizet
paraizel (?) ilmoin iččimien ugodijes ?
Andeledgo , pezijöi armoizeni , pelvahizet pel'onaizet ,
peigoizel , ilmoin pestylöin keskeh lähtijes ?
Andeledgo , ihaloi armoizeni ,
ihalien ildaizien ihastuoksuot ,
ku imehytty eri kattiloikundaizih eroittelet ?
Kuule vai , kuldaine armoizeni ,
kur'jaizen kuvvendet kukitussanaizet :
ku jo tuldaneh ilmoin luadimat , luadu armoizeni ,
sinun luaduizih , ga sinä priimiksendele
ylen mielehizikse gošt'aizikse .
Azettele , sula armoizeni , suuril čuppuizil ,
korgeikse gošt'aizikse .
Azettele kai kuldurandu kuppizien tuakse
sada-rubl'ahizien sauvvuarazien tuakse ,
iz'umnoloin veroizien tuakse .
Luastiksendele , luadun armoizeni ,
ilmoin luadimie luaskavil lahjaizil .
Podariksendele ilmoin polvin ottamie
Piiterin puhtahil podarkaizil .
Eiga , k ei ruveta ilmoin suorimat sodveroizel soimaelemah .
Siit vie kui , kuldaine armoizeni ,
kur'jastu ilmoin kuvamien keskeh kuvattelet (kavottelet )
älä jo , uskaloi armoizeni , udrastu unohtele .
Tule jo , viekas armoini , vierdynytty vieduvuiččemah .
Älä jo tule , pezijöi armoizeni , pitkil pimeil yön aigaizil .
Niil aigaizil ollah ilmoin verhomien veräihyöt salvas .
K et sinä , kuldaine armoizeni ,
ilmoin kuvamien veräihyizien tuakse kyl'mäis .
A kui ei ilmoin verzomat veräihyötty avata .
Tule sinä , viekas armoizeni ,
ilmoin verzomien vedyizien kannandu aigaizil .
Niil aigaizil ollah ilmoin verzomien veräihyöt avoin .
Vieduvuiče , viekaz armoizeni , vierdynytty hot niil aigaizil .
Miehel mennes neidine itköy muamolleh
карельский: ливвиковское наречие
Сямозерский