Тексты
Вернуться к списку | редактировать | удалить | Создать новый | История изменений | Статистика | ? Помощь
Kasanriičindy virzi
Kasanriičindy virzi
карельский: ливвиковское наречие
Сямозерский
Blahoslovikkua
vai , kaksil seinäizil seizojat
kallehedi spuassaizedi ,
i nämmien idoizien ilmoizil'e suured blahosloven'n'aized
annelkua jo , aigajaizel lapsel (e ).
(Sid jumalaz ottau prosken'n'an , sit kuččuu , sit kuččuu tuattuadah :)
Tulevai , uroi kalliz armoizeni ga ,
kaunehii kassaizii katkael'emah
dai kudri-piähyzii kudrizii kud'vahuttelemahe
jo dostal'n'oit kerdaizedi armahal iččez idoizel'e .
(Se tuatto kučuttih , sit kučutah muamo :)
Tule vai , naine kalliz armoizenigo ,
dostal'n'oit kerdaizet kulmanpiälizii kudrizii kud'vahuttele
iččezi vačaz vualitul vualimaizel'e .
Tule jo dostal'n'oit kerdaizet andel'e armahal iččes idoizel
bplahosloven'n'aizedi dostal'n'oit kerdaizedi .
Äl'ä ni blahoslovi ylen pahoili čuassuizil'e ,
blahoslovi jo kaunehien päiväizien kazvendui kohtaizil'e .
Suuredi passibod .
(Sit sie muamoh [tulou ] hänel tukkii l'evähyttämäh , sit passiboičeh :)
Suuredi passiboized , armaz mamizeni ,
tulit kulmampiälizii kudrizii kud'vahuttelemah
dai iččeni valdaizii vakittelemahe ga .
Edgo ni voi mih luaduizihgo nämih suurih igäväizihgo azetella ?
(Sit kuččuu sizärdy :)
Tule jo , yksis vačoiz vualittu vualimaizeni , blahoslovimah ,
kulmampiälizii kudrizii kud'vahuttel'emah
dai iččezi igäväzii itkettel'emäh .
Annelkua jo n omil ozaizile or'hijoin syndyizien ozazii .
Älgie n annelkua jo ollen ozaizil'e ,
annelkua tuhanzien turbehuizin ozaizil'e .
Anna jo roih iččen' idoine ,
iččeni vualimaizeni parembih aigaizih .
Tule d'o , armaz hyväizenigo , sulien pajoizien kel
suurien igäväizien kel'e istuttel'emah ,
vahingon aluizii vaččaizii valittelemah .
Tuogua jo vessel'embii vedyiziigo
vahingon aluizii vaččazii vaivutella ,
dai igävien aluizii aigazii lizätellägo
dostal'n'oloih nämihgo aigaizihe .
Nygöi azetelgua , armahad idoizedi ,
stolaizedi izmenättömil ildaizil ,
jo yl'eni idimnoi [iz'umnoid ?] veroized
dai vesselien vedyizien kel'e suuredi kručen'n'aizedi .
Azetelgua jo tundemattomad gošt'aized
dai tuttavadi yksihgo stolaizihego ,
vesselil vedyizil juajetelkua ,
dai kaunehii kassaizii katkaelgua ,
dai iččettö välizihe azetelguago .
(Nu sih sah minä itkin , enämb'en itkenyh ni konzu ).
Kasanriičindy virzi
карельский: ливвиковское наречие
Сямозерский