Тексты
Вернуться к списку | редактировать | удалить | Создать новый | История изменений | Статистика | ? Помощь
Tuatan kuolendu virzi
Tuatan kuolendu virzi
карельский: ливвиковское наречие
Ведлозерский
Blahoslovikkua
, valgiet spuassazet , vaimelostu lastu
valgien armoizen kel izmenättömil paginaizil .
Kuonuskele , uros kuldaine armoizeni ,
ylen izmenättömil paginaizil .
Kiurun kielyizil kiuroile nämä yön ymbäristöizet .
Iiättelit , uros aigu armoizeni , elaigaiziksi (?) armoittomaksi .
Ed voinnut luadie , aigu armoizeni ,
ni läbi meččäzis läikkyvii sobaizii
enne ihalien spuassaizien edyizii ildavundaizie .
Ed voinnut ni luadie ni lämbimie sobaizie
ennen ihalien syndyizien ilmaizih lähtendäizie .
Kuibo ruvennen , kurjaine iče , yksin puolizien armoizien ke
armoittomie eloaigoi akkiloiččemah ?
Neuvoksendele , kuni olet nämil laučaizil lahoizena .
Ylen olit nämmien ilmaizin elgoizien (?) keraine
nämmiel ilmaizel eläes .
Neuvoksendele , imehyt , iččiedäni
näminilmaizin eloaigua elämäs .
Sula armoizeni , jättelit ylen suurih kručinaizih
armoittomie aigazie akkiloiččemah .
Ylen suuret artelizet jätit armahih aigaizih ,
kui ruvennou naine aig armoizeni
ylen suurie arteliloi akkiloiččemah ?
Kieroizet iče jäimmö ylen köyhie eloaigaizie elämäh .
Tulettele jo aigu syndyizien edyizih avuttelemah ,
konzu kirgailemma kerinen (kergejien ) syndyizien edyizis olles .
Pakiče valgeil spuassaizil niidy valdaizie .
Gu työttäis abuniekkaizeksi
aigužien syndyizien edyizis olles .
Gu jätit imehyizie lapsie ilmaizie (n ) suuremie [-bih ] igäväizie (h ),
ildavuit ihalien syndyizien ilmaizih .
Kurjazet lapset konzu kirguammo , uroi kergei armoizeni ,
konzu kirgailemmo kergijel kezäizil ruavon randaizil ,
tulettele atkalaizil abuniekkaiziksi .
Ei ni jiännyt atkalaizil lapsil ni adroizien akkiloiččijazie .
Tulettele , sula armozeni , suurien syndyizien eduizis olles
kurjaizie iččimie tiijustelemah
kukkizien kuulumattomizil aigaiziel .
Livahtele , libuža armoizeni , linduizien liikkumattomien aigaiziel .
Älä jo unohtele , aigu armoizeni , aiguzien syndyizien eduizis .
Tuatan kuolendu virzi
карельский: ливвиковское наречие
Ведлозерский