Тексты
Вернуться к списку | редактировать | удалить | Создать новый | История изменений | Статистика | ? Помощь
Hospodi da boože blahoslovikkua
Hospodi da boože blahoslovikkua
карельский: ливвиковское наречие
Коткозерский
Hospodi da
boože blahoslovikkua ,
kallehed (i ) spuassažedi blahoslovikkua jo
kallištu kandomuttani nämile pädevile päiväžil
tulin naine da kalliz armoine jo ga .
Opiz nygöi liigoi liččiehyžii liikutella dai
panduloi muahužii pakutella jo ,
naine da kalliz armoine , vačas kandajaine jo .
Tulin jo minä tuomenuoni sinul i
kaijoil kalmulaudažil pitkil matkažil tulin ,
vierdynyd (i ) akku väzynyžile jalgažile ga .
Opiz nygöi liijad liččiehyöd liikutella ,
da pannud muahuod (i ) pakutella jo ga .
Opiz nygöi jo kallehen kandamuon piäle jo
naine da kalliz armoine ,
vaččazis kandajaine , kavahtellakseh jo sinä .
Hod imehen akan tulduu n edgo voi hodi , kyvelmöine ,
kynäbryksyžilleh kavahtellakseh ga .
Ged d'o voinne nygöi n imehen akan tulduu ,
n edgo voiz hodi istui kavahtellakseh ga .
Libo voizid d'o ku nämile pädevile päiväižile jo sinä
kaksile kandupiähyžile kavahtellakseh ga .
Viego minä voizin tuonikkoine sinun
kulovunnuot kuvažedi tunnustellakseh
da n ilman lyhydi (l'ubovoidi ) ihožed (i ) voizingo
tunnustellakseh ga .
Opiz nygöi kyvelmöžen akan
hodi kylmile kielyžile sinä kyzeltä jo
naižen da jo kalliz armoiženi armoižil piäle tulin .
Tuonikkoine , vačas kannettu kallizi kandomuoni tulin ,
pitkien matkažien piähyöz viizilekymmenile kilometrižile ga .
Tulin kačo kai kyvelmöine kylly kyynälyžien kele ,
sundoloin suuruksužien kele
tulin sinun kaijoile kalmulaudažile jo ga .
N opiz nygöi , edgo voi surendožen kele jo sinä
n ylen suurii truudažii nähtä ,
edgo voi minun imehen akan igäväžii n arbailemeh ruveta jo ,
kyvelmöžel hodi kylmil kielyžile da .
Minä tulin nygöi ylen (i )
igävien aigažien aluine n akkaine olen jo ga ,
tulin sinul , tuonikkoine , suurien truudažien kel ,
suurien atkalažien kele .
Kai toin jo taivahan (i ) suuruod (i ) taudižet sinuleži ,
ilman suuruod n igäväžet toin jo sinulezi jo kačo .
Naine dai kalliz armoine jo ,
arbailedgo minun vačaz lähtemättömädi vahingožed (i ) jo .
Nygöi toin minä sinul edeh , naine dai kalliz armoine jo ,
pedien pitkyöd (i ) pečualažet , kačo toin ,
dai n ilman suuruodi igäväžed jo toin (i ), imehyd akku jo .
En voinnuh nygöi , kačo , kuvamaine ,
ni kuvved vuoduot sinul minä
ni viernoloi vieštižii työtä ga .
Minä nygöi en maltanuh ni , kieroine ,
sinun kielyžil kirjutella ga .
Edgo jättänyh n aigamaižele n armahii adressižii ,
konzu lähtid niile n ihalil ilmažile ga .
En maltan , kieroine , sinun kielyžii kirjutella ,
eule minul (i ), peigoine , teile pädijii perožiidu jo ,
eigo ole kaidoi karandiššažiidu ,
eigo olluh armahii adressižii ga .
Nygöi minä tulin , kuvamaine , kuvvetkymmened (i ) kilometrižedi ,
aigamaine sinun sulgaine , suun edyžih jo .
Nygöi , kieroine , kirjuttelen sinun
valgieloile katepaltinažile , rujovunnužile ryndähäžile jo .
Viego nygöi n arbailedin atkalad aigaižed (i ),
naine dai kalliz armoine , sinä (?).
Viego voit pedien pitkyöt pečualažet arbailta
dai , kuvamažen , kuuzen (i ) suuruot kručinažed ,
voidgo n aigamažen arbailta ?
Voidgo järven suuruod (i ) jävvätyksyöt arbailta ,
naine dai kalliz armoiženi ga ?
Voidgo vačaz lähtemättömäd vahingožed arbailta ,
naine da kalliz armoiženi jo ?
Nygöi minuu sinä , peigostu n akkua ,
mustadgo n iččezi n elaigažii jo ,
konzu minuu n iččez (i ) vaččažez vualiksendelidi ,
konzu seiččemih vuodužih sah kargijaštu kazvatteliidi ga ?
Seiččemien vuodužien peräz vierahile muahužil vieraittelid (i ),
naine dai kalliz armoiženi ga .
Kaksil kymmenil kilometrižil työnit jo ,
päderäine , piähytty n elättelemäh ga .
Ved jo minä nuoriž (i ) silmäžiz (i ),
vierdynyd , vedytty heittelin , kuvamaine ,
jo ku orvoi nimyöžiz surendoine suutkažiži ga .
Moine oli minul , imehyt , sinuni armoižii igävät suuredi ga .
Nygöi tulin , peigoine , suurien pečualažien kele
iččeni n elaigaštu sinul , kieroine , kirjuttelemah .
Kačo , n eroittelid minuu kaheksistostu vuolahiz vuodužiz (i ),
vierdynytty , vierahile muahužile ,
andoit minuu tundemattomile valgieloile vastinehele .
Minä vet kaheksistostu vuolahiz vuodužiz
mielettömil mielyžil olin ga ,
ved minul ollah taivahan suuruod (i ) nuoriz vaččažizi ,
ilman suuruod igäväžet , kargijaine , kandelin (i ),
sinuz eroittelduu , naine dai kalliz armoiženi ga .
Nygöi minä en voinu ni mielettömil mielyžil sinun kele
ni palehtunnud (i ) paista en maltelluh ga .
Nygöi tuli seiččemendelkymmenil vuolahil vuodužile
liijad mielyöt päderäžel piähyžih ga .
Nygöi ehki , kieroine , kirjuttelen sinun (i )
ryndähäžile valgieloile katepaltinažile ga ,
jogo ellendelet sinä minun kurjažen kručinažedi ?
Hospodi da boože blahoslovikkua
карельский: ливвиковское наречие
Коткозерский
[Причитывает дочь на могиле матери]
русский
[