Тексты
Вернуться к списку | редактировать | удалить | Создать новый | История изменений | Статистика | ? Помощь
Millehbo kačoitto, kallehet armožedi
Millehbo kačoitto, kallehet armožedi
карельский: ливвиковское наречие
Неккульский
Millehbo kačoitto
, kallehet armožedi ,
minun duumaitut kohtažet ,
kudamile tahton omil nuaril armahil aigažil
luadia toižih luadužih ?
Liännöygo roittu , kallehet armožet , teijän miälyžii myäte ,
Kuh minä duumaičin nuarile armahile aigaižil ?
Kalliž naine kandajaženi , eigo mittumii ole izmenäžii ?
Liännöygo roittu teijän vaivažii vaččažii myä (te ),
kuldaine naine , kandajaine ?
(Kalliž naine kandajaženi , rubei otvietuimah :)
"Oi armas , kalliš kandomuani ,
ku kaiken d’yttyät ugod’d’ažet oli luajittu ,
kai oli , pestyiženi , pihapordahile kruasnoit ikkunažet pandu ,
kai oli ihalile ikkunažile kaunehet svetažet ištutettu ,
kai oli kuldažile kuuriččažile libujad lindužed luajittu
pajattelemah da kaikelleh soittelemah .
Kai oli ihalian ilmaižian ikkoin alle
luadožskoit lambuat luajittu ,
kitaikalažet oli pandu kargailemah .
Kalliš kandomuani , sinä ,
en jo voinnuh ni kitaikalažii primiättiä ,
vai minule juahtui , kui sinun armahadi nuared aigažed (i ) vai
ruvettannehgo kitaikalažii kaččomah ,
tol'ko iččezi valgeiloi valdažii ei rodei .
Enžimäžikse valličiit , kalliš kandomuani , pitkäd matkažet ,
toižikse valličiit , kalliš kandomuani , suuret perehyät ,
kolmanžikse valličiit , armas kuldane kandomuani ,
kalliš hyväženi , rubiau
valgei vastineh vesselii viinažii juamah ga
sinule rodie , erähil aigažil kei rodei pimiät pilvyät
sinun silmäžiän iäs lähtemäh ,
k et rubia viahkahii kyynälvedyžii valuttelemah .
Ed voi ni kaunehis , kaunehis meryžis kitaikalažii primiättiä ,
kui ruvetah kargailemah .
Oi , armas kalliš kandomuani , minä arbuan vai —
suuret arteližet rodiau , kybenyäni , sinulles kuunnelles .
A minä voizin ku , vaivaine naine , rodiitel'skoloil vaččažil
luadižin suuret sundugazet sulii sanazii ,
via suurembat luarižet sinule varusteližin luaskavii sanažii .
Konzu ilmoil keritettyviän keskeh menedhäi , ga
sulil sanažil rubiažit
ilmoin keritettyžii pagižuttelemah da luastittelemah .
Kalliš kandomuani , konzu ku roinnouhäi ylen atkalad aigažet , ga
sid vai rubiat niilöil sulin sanažil (i ) sulailemah ,
kylly kaunehiani , valgeiloini valdažian jätettyy .
Oi , armas kalliš kandomuani , sinä ,
suuret permenäžet rodiau toižih luadužih mendyy .
Hod jo , armas kuldaine kandomuani ,
mageiloinnu muarjažinnu sinuu vallitah ,
dai otellah parahinnu libujinnu lindužinnu , ga
kandomuani , rubiat kadaimuarjažien d'yttyäkse kargevut ,
pakaččian muarjažien d'yttymäkse pahennut .
Oi armas kalliš kandomuani , sinä ,
iččes kaunehet valgiat valdažet roijah —
ei roija ni pastavian pädeviän päiväžiän edyižis ,
vai roijah pimeilöin pilvyžiän tagan
angehuane suuris atkalois aigažis .
Ruvennethäi juahtuttelemah , ga ,
vai ku sigiunužih uinottuu näit
kylly iččes kaunehii nuariloi valgeiloi valdažii .
Millehbo kačoitto, kallehet armožedi
карельский: ливвиковское наречие
Неккульский
"