Тексты
Вернуться к списку | редактировать | удалить | Создать новый | История изменений | Статистика | ? Помощь
Hospodi da boože, blahosloviekkua
Hospodi da boože, blahosloviekkua
карельский: ливвиковское наречие
Коткозерский
Hospodi da
boože , blahosloviekkua ,
kallehedi spuassažedi , blahosloviekkua .
Nygöi , kačo , naine da kalliz armoine tulin ,
ylen pitkien matkažien piähyöh tulin , kallis kandamuoni jo ,
Iivan da nimyžien kandelijaine ,
kai tulin (i ) sadoi kilometrižii dai tuhanžii kilometrižii
sinun kaijoile kalmulaudažien piäle ga .
Opiz nygöi jo naizen dai kalliz armoižen tulduu jo
liijad liččyödi liikutella dai ,
pannuod muahuod (i ) pakutella ga .
Minä tulin , tuonikkoine , sinun (i ), kačo ,
suurien tuskaižien kele , ilman suuružien igäväžien kele jo .
Työnin kaksiskymmenis kaksis vuolahiz vuodužiz jo
Iivan da nimyžien kandalijaine jo .
Sinuu sellittelin selgielöih sobažih ,
suurii sluužbazii sluužimah ga .
Vuottelin minä kolmien vuolahien vuodužien peräs sinuudazi ,
aigamaine , n armožikse dai
jo minä tuuččupäivien turvažikse sinuu ga .
Sinuu on (i ) vaivuteldu tänne jo suurih voinažih ga .
Voidgo nygöi naizele da kalliz armoižele sanuo sinä
hodi , kyvelmöine , kylmil kielyžile ga .
Opiz nygöi pannuod muahuod (i ) pakutella
dai liččied (i ) liikutella jo .
Opiz kavahtellakseh naizen dai kalliz armoizeni jo
hod d'o kaksile kandupiähyzile ,
minä opin sinuu , tuonikkoine , tunnustellakseh jo .
Viego voin mandžoinkarvažii krassažii
sinun , tuonikkoine , tunnustellakseh ga .
Viego voini , n ihalmoine , sinä
päivänkaunehužii krassažii katahtellakseh
dai tuonikkoine , tunnustellakseh ga ...
... Sinun luo tulin kargijaine nygöi
kallehii muahužii kaččelemah (?) da ,
palehtunnun , parahii paginažii pagižemah da ...
Voidgo nygöi hodi kyvelmöžel
kylmil kielyžile minuleni kyzeltä ,
naizel dai kalliz armoižele , jo sinä
taivahan suuružii taudižii dai ilman suuružii igäväžii jo .
Minä vet sinus konzu vuottelin
tuuččupäiväžien turvažikse dai ahavapäiväžien abuzikse ga .
Sinus tuli viernoid vieštižedi jo
kaunehedi päiväžile sinul helied hengyöd häviteltih jo ,
kargijažen akan kalleheli kandamuole jo kačo ga .
Nygöi tulin palehtunnud sinuu pagižuttelemah .
En minä voinnuh uskuo viernoloi vieštižiidy ,
jokse sinun kaunehed krassažed (i ) kallattih jo
dai vintovkažina vieretettih jo da .
Nygöi tulin palehtunnut sinuni , kačo ,
puadunužil vaččažil , kyvelmöine ,
kylly kyynälyžien kele kyzelemäh sinulez .
Kuz oldih nygöi Piiterini ogruadažis ,
sinuu kaijoin kalmulaudažien paneteldih .
Kylly kyynälyžien kele kyzelen , sinuni kargijaine n akku .
Tulin tuonikkoine sundoloin suuruksužien kele ,
vereksien (i ) verožien kele jo , kačo ga .
Nygöi edgo voi kavahtellakseh kaksil kandupiähyžile
naižen da kalliž armoižen kele , palehtunnud , paginažile jo .
En voinnuh minä sinuu kyvelmöine ni
Kymmened vuolahad vuoduod ni viernoloi viestižii työndeä ga .
Eule minul ni n aigamaine sinun adressižiidu jo ,
eule ni sinun kielyžih minul ni pienii perožiidu jo ,
eigo ole kargijažel kaunehii karandiššažiidu jo .
Nygöi tulin iče jo kylly kyynälyžien kele
naine dai kalliž armoiženi jo .
Nygöi minä sinun opini valgieloile ryndähäžile jo ,
kieroine , kirjutella iččeni n elaigaženi jo , kačo .
Tuonikkoine , tulin suurien tuskažien kel
kai kirjuttelen taivahan suuruodi taudižed (i ) da
ilman suuruod igäväžet kirjuttelen kieroine n akku sinule ,
ryndähäžil kai kirjutteleni .
Konzu menned hod yksiz vaččoiz vualitun vualimažen kele
sinä , Vaśa da nimyžien kandelijäžen kele ,
niile n ihalile ilmažile suuril prestolažile ga ,
paiškua jo iččettö kielyžii , kieroizet , sie jo ,
sano jo minun hänele kai sinä parahat praudažet ,
taivahan suuruot taudižet sano jo ,
ilman suuruod igäväžet sano imehen akan (i ).
Järven suuruot jävähtyksyöt sano jo ,
Iivan da nimyžien kandelijane .
Ved jo Vaśa nimyžien kandelijane
katoin (?) kalmulaudazijen piäl (?).
Mittymii luadužii lienöy hänen helied hengyöd häviteldy jo .
Työ ku mennettä , yksiz vaččoiz vualitud vualimažed (i ),
pitkile prestolažil ga ,
sanuod jo iččettö , kierožet , kielyžil sinä jo ,
sano vaimeložen da Vaśa nimyžien kandelijažele ,
ozuta iččed valgiet ryndähäžed minun kieroižen kirjutetut ,
kyvelmöžen akan kylly kyynälil kirjuttelin sinulezi ,
valgieloile ryndähäžile kaunehien krassažien aigaižile .
Ozuttelez velli dai vezaizele sinä jo iččezi kai elaigaine
dai minun kylly kyynälyöt ozuttele
dai sanele iččes kielyžil jo .
En voinnuh naine pezeksie (?) nygöi ,
kyvelmöine , toizedi kymmened vuolahad vuoduod .
Aigamaine , ni abustu ei tule minule ni ,
seiččemendel kymmenil vuodužil eläksendelen (i ),
kuvamaine kulovunnužil joi igäžile .
Nygöi työ minuleni ettogo voi
niile n ihalil ilmažil aigamaželoil aihostellaksen ,
eigo hot kallehedi spuassažed minul anneta
mittumii tahto miilostižii ga ?
Ylen on suured igäväžed ilman suuruod
minul igäväžed vaimeložez vaččažezi .
Dai jo pedyän pitkyöd on pečualažed ,
minä niidy ... panelen surendoine šuutku luguizil ,
Kandelii (?) ... kandamaine (?)
Dai eli puhtaz meččäžih menen ga (?)
yksii vai teijän viedyižii viettelen kai jo ,
puhtahien puuhužien tyvel , joga puuhuon tyvel ,
imehyd akka , itkuvirdyžii viettelen (i )
iččeni kyynälvedyzil valelemmos ...
Iivan da nimyžien kandelijaine ga .
Nygöi tulin kačo Piiterin muahužih sinuleži
kaijoin kalmulaudažien piäle ga .
Hod ottelen sinulež (i ) parahadi luuhuod ,
peigoine kaivani kaksile kädyžili minä sinullezi ,
ottelen peigoine peredniekkažih da ,
tuottelen maksaine maššinažil da ,
postroine n akku poježdazižih da ,
kandelen omil kladbiššažih , sinun panen iččeni kädyžile
elettylöil igäžil sinun omih kladbiššažih jo .
Kuldažed luuhuod kandelen , peigoine , peredniekkažez (i )
panen iččeni panduloin muahužien uale ga .
Hod jo , kuvamaine , joga kuuhuttu kävyn niidy luuhužii ,
hod jo virdyžil (i ) viettelen da ,
kyynälvedyžil , vaimeloine , valelen jo ,
Iivan da nimyžien kandelijaine ga .
Hospodi da boože, blahosloviekkua
карельский: ливвиковское наречие
Коткозерский
[Плач о сыновьях, погибших на фронте]
русский
[