Тексты
Вернуться к списку | редактировать | удалить | Создать новый | История изменений | Статистика | ? Помощь
Olin ebelöine akku suures perehes, suures kanzas
Olin ebelöine akku suures perehes, suures kanzas
карельский: ливвиковское наречие
Неккульский
Olin
ebelöine akku suures perehes , suures kanzas .
Ei vierehtynytty akkua virketty ni midä .
Nygöi kallehet kandomuot kazvatimmo da livutimmo .
Nygöi ku kandomuot ruvettih omien kandomužien kel elämäh
ga siit minä , kurju akku , kuluvuin , vaivane akku , vanhanin .
Siit ruvettih ylen viga-sanazil virkkamah ,
sanattomil sanažil sanomah joga pastavil päiväžil .
Sanažet sanotah — kui puuškažel ammuttah ,
kai raudažet ragehet viertäh kulunuttu kuvua myöten .
En voi vualimoine akku ni vaivoi
vualittuloih vaččoih synnytellä .
Nouzen huolevil huondeksuižil ,
pastajien pädevien päiväžien algužih ,
jo vierehtynytty akkua virketäh sanattomil sanoil sanotah .
En voi ni löyhkielöin syndyžien leibäižii otella ,
kargijaine akku , omil kädyižil ,
vuottelen , mittumat annetaneh palažet ,
moizet i vaivažih vaččažih panen .
En jo smiettinnyh , rodinuoh ebelöižet elokset ,
konzu kallehii kandožii kandelin da livuttelin .
En smiettinnyh , rodieu minun kallehel kandoižel
nengoine surjoznoi vastineh .
En voi ni kudamis ruadožis , kargijaine akku , aigua menettie .
Lähten , imehyd akku , ilmažil , siit vai pastavih päiväžih ihastun .
Konzu omii kallehii kandožii kazvatin da livuttelin ,
siid oli vesselembät aigaižet ,
a nygöi on kurjal kručinakkahat aigaižet .
En voi ni mittumii sanažii sanuo pastajiž päiväžis .
(Ni midä sanuo en voi ).
Olin ebelöine akku suures perehes, suures kanzas
карельский: ливвиковское наречие
Неккульский