Тексты
Вернуться к списку | редактировать | удалить | Создать новый | История изменений | Статистика | ? Помощь
Kargijaine d'o kandomuttani
Kargijaine d'o kandomuttani
карельский: ливвиковское наречие
Видлицкий
Kargijaine d'o
kandomuttani
kaksih kymmenih vuoduzih sah kazvattelin da
imehyt naine rukku omani jätettyy
idožuttani yksin käzin ylendelin ga .
A nygöi gui rubeinhäi , kargijaine naine rukku ,
kandomuani kaimaelemah kaźonnoloih kamandazih da .
Rubein atkalaine naine , aigamazeni ,
andelemah sinuu agjattomih artelizih ,
pestyzeni , rubien nämile päiväzile
provodiimah perättömih perehyzih ga .
Olit kurdazen kuvattu kuvamazeni kupečeskoilois kunnivozis ,
saaduzeni , olit nämih aigazis sah
saviesačkolois (?) elonaigazis ga .
A nygöi rubien vierijäine vieraittelemah vierahihe edyzih da .
Nygöi kačo rojih uskomattomat unuot maattavakse
da arbaelemattomat askeluat astuttavakse .
(En d'o ... unohtan näigai ).
Vezazenii rojitto kačo vierahile valdazile
dai rojitto muga , maksazeni , magaelemah vai kukkozien unuzii .
Nämih aigazih sah pidelin viegu sitkijäzeni naine ,
sinuudas omassalmien (?) siibyzien oalle da .
Maksazeni , vie nämih aigazissah magaittelin
omani maksazien oalle ga .
A nygöi kui ruvennet , uččimazeni
ielizii elonaigazii unohtelemaheze .
Kaksih kymmenih vuoduzissah pidelin ,
idozeni ikkunpielyzile igruzinnu da .
Dai kandamuoni kazvattelin kaksihkymmenih
vuoduzissah ikkunpielys kaunuzinnu ga .
A nygöi tuloo , eväzeni , sinullezi , ilmaz
da ilman randazile eroittellakseh ,
vezazeni , tuloo vierijää kivytty rounu vieraittella ...
(En voi itkie ).
Kargijaine d'o kandomuttani
карельский: ливвиковское наречие
Видлицкий