Тексты
Вернуться к списку | редактировать | удалить | Создать новый | История изменений | Статистика | ? Помощь
Oi kallehede armoižed, uruoa kal'l'iš armoiženi
Oi kallehede armoižed, uruoa kal'l'iš armoiženi
карельский: людиковское наречие
Южнолюдиковский (святозерский)
1.Oi kallehede armoižed , uruoa kal'l'iš
armoiženi ,
ende nämit kiearaižit tulettelin
ku nämil'e kaunehil'e uuliččaizil'e ,
kai uuliččaižel parvilinduizet pajatdettih paččahaižiden pieäs ,
kai solovei-linduižed soitettih .
Kai oli barhataižed oigettu ,
ruskedad barhataižed oigettu peril'äižil'e
da stupeniižil'e nemil'e , pordas stupeniižil'e .
A nygy on kai nämil kieraižil , ku tulettelin , kurd'ain akke ,
ka uroi kallehen d'älgyižile kaunehile uuličaižil'e
kai on kuuzahaižet polvuižih suoa kazvettu .
(Sit tulow lugendanker :)
Kai nygy tuldah luoadan-savuižet kaunehil luaduižis .
(Tulow , sid eččelöw neččis pertis :)
Vuot opin , kurd'aine akke , eččidä
kallehen armoižen l'äylemäižid l'ämmäižid ,
kudamis kohtaižis häi oletteli puaksut kierdaižet .
Kai nämis kohtaižis hänen d'älgyižil
opin tabadelta l'äylemäd l'ämmäizet .
Engo voi kaunis kallehen armoižen ,
uruoi kallehen armoižen d'älgyižid
l'äylemäižid l'ämmäižid valgedih paikaižih hot'tabadelta .
Olin ku pitkil matkaižil ,
k em puuttunu ni kylmil’e liiččaižil'e
jo läylemäžid l'ämmäizid tabadel'emah .
A nygy tulin ka , kai tuldah kallehiden armuožiden
uroi kallehen armoažen suludet da armuoažet
kallehil syndyižil edes .
Kai on selgiteldy vakki sobaižih ,
kai on šuoriteldu vakki od'oožaizih ,
kai valgedat liiččaižet on hänel valgottu .
Oli yl'en puaksut kieraižet vastadeli kiuru-kielyžil ,
kallehiden armuoažiden luaduižis .
Kai kaunehil'e uuliččaižil'e tuli vastah .
A nygy nämil kiearaižil ku tulin , oi uroi kalliz armuoaženi ,
kai on kaheksiden lukuižil salbattu sinun kiuru-kielydet ,
kai on luuhižiden lukuižiden tagaks salbadeltu
sinun kiuru-kielydet .
Sanele kurd'aižel akale hot' puolil sanaižil
mittumit tahto sanaižid .
Opin minä , vierdynyd akke ,
sinun alahaižil'e pieäpoklonaižet hot' pande .
Opi minune palehtunnuon naiženker paginaižile paneteldakseh .
Kai minä nämät kiearaižet tulin suuris s atkalaižis .
Oi uroi kalliš armuoaženi , en voinu nämil aigaižil
sinun l'äyl'emil'e l'ämmäižil'e puuttuda .
Kai ihaliksi igäižiks rodiiheze
suuret pahat miel'ydedet dai suuret tuskaižet .
Hod' d'o kävyin puaksut kieraižet ,
oi uroi kallis armoaženi ,
ka en voinu l'äylemil'e l'ämmäižil'e puuttuda .
En d'o onehuden on smiettiny nämil aigaižis
sinun l'äyl'emäd l'ämmäižed l'ähtedih .
Oliižin hod'kui hot' vereksil kalaižiden ker
tulnu l'äyl'emil'e l'ämmäižil'e tabadel'emah
sinun loput kieraižet hot' valgedih paikaizih .
Kai kurd'aižel akale ku rodih suuret kručinaižet ,
ka hod' minä sinun l'äyl'emät l'ämmäižed
ottanuižin valgedis paikkaižis ,
oppinuižin hot' sula-hyväiženin suluidet avaidelta .
Nygy pidäw nägyw sinudais kai vaikastutelt on
valgedat syndyižet ,
ed voi pestyženin akanker ni mittumit
sanaižit pezeteldäkseh .
Oi uroi kalliz armuoaženi ,
kui minä sinun suluded da armuoažed unohtan .
Kai suuret arteliižed d'ieättelit sugukundaižit ,
emme voi ni kandomudeni sinun
l'äylemid l'ämmäizissy ni kui unohtelda .
Vuota opimmo hot sinun suluižid armuoižid
hot' kylmil liiččaižil edes suladelta da arbadelta .
Ed nägyw ni pestyyženi n olet pezevynnyd
ylen suurih pečaaližih ,
ed meidenker palguoažienker ni paginaižil'e panetelde .
Kai d'ieätit kaheksad ikkumpiel'yded
naižele kallehele armuoažele .
Kai kaunehet päiväižed avaidutah vaste kargedih kezäižih .
Naižele kallehele armuoažele rodih ylen
pimedät pilvyded nämil kergidil kezäižil .
Männöy hot' kaunehih meččäižih ,
hänele rodih suuret atkalaižet , suuret abedaižet .
Ka hot' sinä tulettele hot' pienih puuhuižiden pieähyižih
hot' čiučoi-linduizinnu da liipoi-linduižinnu .
Anda hot' hänel'e vesselembäd aigaižet rodih .
Hot' suurih unuižih uinottuw ozutelda , hot'
sigi-unuižis , mittumat rodih sen ilmaižet eloksudet .
(Sit sih tytär loppiw sen , virden itköw ).
Oi kallehede armoižed, uruoa kal'l'iš armoiženi
карельский: людиковское наречие
Южнолюдиковский (святозерский)
[Дочь приезжает на похороны отца, начинает причитывать во дворе]
русский
[
[