Тексты
Вернуться к списку | редактировать | удалить | Создать новый | История изменений | Статистика | ? Помощь
Vuotavai minä n opini, kurd'aine naine, jo
Vuotavai minä n opini, kurd'aine naine, jo
карельский: людиковское наречие
Южнолюдиковский (святозерский)
8. Vuotavai minä
n opini , kurd'aine naine , jo
nämil pädövili päiväižil ,
ylen suuredi kručinaižedi kai minule tul'dih :
kai egl'äižile päiväižil tuli
liipoi-linduine d'o ikkumpielyizih ,
kai ploketut't'i st'oklaižid .
Ažno ka , kurd'aižel'e naižel'e , tul'dih
minulle suuredi n atkaladi n aigaižedi ,
sula-hyväiženi n uroi kalliž armuoiženi ,
kai viludi viestiižedi poluččiimme .
Minä n en vie ni nämil aigaižil sinusse smiettinyh jo ,
n oi n uroi kalliž armuoiženi , kačovai minä
suuredi n oploškaižedi ku pidelin ,
ku tulettelin nämil kiearaižil kaunehih luaduižih ka ,
sinä n oledi kai jo vakki sobaižih selgiteldy ,
da ni sinun kiuru-kiel 'yžid ei ni kudamizi kohtaižizi kirgaidele .
Vuotavai minä n opin , läylemäine n akke ,
sinulloo lähendeltäkseh : edigo minun vie rubeda ,
vierdynyden naižen kera , paginaižil'e .
Minä k oleni , kurd'aine , suuris s atkalaižis :
kai sirotskoloidi kyynälvedyižidi kirbottelnu .
Ialo minul ni sula-hyväšte ka
sinullooh kui tulettelin ka ,
sinä n azettelid kaikkeh luaduižih d'o .
Sinä kai uččimašte minud učitteleidi
kaikkeh n elokšuižih d'o .
Minä kandamuižid kazvattelen kai sirtoskoloil kyyn'älvedyižil ,
a sinä tulettelit puaksudi kiearaižedi
minun uččimaižidi n učittelid .
A nygy kenen edyižih mänen , oi jo sula-hyväiženi !
Uroi kalliž armuoiženi ,
sanele vierdynydes akas kai (?) verekset ver (i ) noid viestižedi
duurin n izmenäižitä minun sula-hyväižele .
Kui d'o kurd'aine naine hodi kuvamuižiden kere el'äskendel'en ,
älä ni n izmenäižidi pidele ei n imehydes akkas (i ).
Andel'en kai suuredi passibuoažed
dai n alahaižedi pieäpoklonaižed .
Andeleni suuriden čuppuižiden edyižis ,
kun' oledi kaunehiz luaduižis ga .
A nygy k ed ni minun ker palguoiženin ker
panetelda ni paginaižil'e ga .
Onehudile n akale hot' suurih unuižih uinottui
n ozutelda da sanel'e senilmaižed eloksudedi .
Kai viettel'e viekkahil'e n armuoižil'e vereksedi viestižed ,
suuril'e sugukundaižil'e kaikil'e .
(Sih tämä loppida vot , buat'uška . Sid d'o kačo häin on ukko kuolnu , nu tulow , lapsiden ker diäi , ka häi d'o kačo uhaaživuoačči da opast'i lapsid ka , häin d'o muga itköw .)
Vuotavai minä n opini, kurd'aine naine, jo
карельский: людиковское наречие
Южнолюдиковский (святозерский)
[Дочь причитывает отцу]
русский
[