Тексты
Вернуться к списку | редактировать | удалить | Создать новый | История изменений | Статистика | ? Помощь
A vuota vain opin, oi n yksiz vačaižiz vualittu
A vuota vain opin, oi n yksiz vačaižiz vualittu
карельский: людиковское наречие
Южнолюдиковский (святозерский)
9. A
vuota vain opin , oi n yksiz vačaižiz vualittu ,
nygy kačo suluded dai armuoažedi katteleni jo .
Oled kui sinä n aigattomil aigaižili ,
n or'heidil'e syndyižile n edyižih n oigettuw .
Minä , kurd'aine n akke , n en d'o smiettinyh
nämill aigažil sinä kai kaimadeletos ,
Minä vuottelin , sorendoiženi , sinuudaiš kai
kaunehil'e pruaznikkaižil'e .
A minä sinus kai valgedat kui bumagaižedi polučin .
Oi n yksiz maksaižiz magazutettu ,
minulleni tul'dih kai yl'en suuredi jo
kručinaižed da atkalaižedi :
k oled sinä d'o läylemäd l'ämmäižedi kaimannuh .
Minä kui nämili kieraižil tulettelin kaunehil'e n uuliččaižil'e ,
kai sinun pihoi - piiriččäižili lastuižed itkedih .
Oi n yksiz maksaižiz vualittu vualijaiženi jo ,
ka j oni kud'žoin kujohudet rodittuheze kaunehin uuliččaižih .
A ku tulettelin peril'öili virstaižih ka ,
kai listaižil'e kazvetah kuuzen koskuoahuodedi .
Minä , kurd'aine , kaunehih luaduižih
ku avaižin sinun luaduižet ka ,
yleni viluižedi viertih minun nenän edyižih .
Minä n opin ku tulda kaunehih luaduižih ,
sinuni kai n azettelidi kahtettošt ikkumpielydedi
iččeži n eloksuižih ka .
Minä tulettelin , kurd'aine naine , ku nämil kiearaižili ka ,
sinud oli kai suuriden čupuižihi n azeteldu
kaunehil'e stolaižil'e .
Ka vai jeuvlnu ylen vesseldyksyžidi ,
vai joli kyynelvedyižid pidi jo viereteldä :
sinud oli kai valgedih sobaižih šuoriteldu , vakkisobaižih .
N en voinu ni n yksiz vaččaižiz vualittu vualijaiženi ,
jo ni arbadelta sinuni n igäižid nämid kaupaižidi .
Kai jo n oledi , n oi n yksiz maksaižis
magažuteltu , kuvamaine kuldaine kudri jo ,
sinä d'iättelidi ičes kuvamužed aigattomil
aigaižil kai sirotskoloile kyynälvedyižile .
A vuota minä n opin sinun kačo kačelta
kaunehiz luaduižis : kudamis kohtaižis
sinuni n eloksudedi ol'dih kai
kaunehis suuris čupuižizi , kaunehis stolampieähyižis .
A nygy nedi stolampieähyded dieäd'ih ičes kuvamudel'e .
Vien on kai kabalovyöhyžiden d'älgydet tunduttah .
Oi n yksiz vačaižiz vualittu , sinä tulettel'e
hod' hänte liipoi-linduižinnu n uččimah ,
hoi n uččimaiženi .
Häi n ylen nuoril miel'ettömil mielyižil d'ieäskendelöw sinus .
Ei vie , tuomenudeni , toimittel'e
ni mih luaduižih nämädi n eloksudedi mändäh .
A vuota vain opin, oi n yksiz vačaižiz vualittu
карельский: людиковское наречие
Южнолюдиковский (святозерский)