Тексты
Вернуться к списку | редактировать | удалить | Создать новый | История изменений | Статистика | ? Помощь
Kut mužik i kondi nagrhen semetihe
Kut mužik i kondi nagrhen semetihe
вепсский
Средневепсский восточный
Elotihe ukoine
da akaine .
Ukoine da akaine lähttihe kasked čapmaha .
Mändihe mecha .
Kondi side ištub .Kondi tuli da pagižeb :
- Ota , ukoine , mindain' sebrha , mina siniiž abutaškan čapta .
Ukoine čapab kirvhuu , kondi čapab lapoil .
Čapetihe kasken .
Kondi pagižeb :
- Nügut , ukoine , mida radaškam ?
– A nügutte kevedohosai ištuškab muga , a kevaduu mina tulon dai karziškam .
Kevaduu ukoine tuli , ka kondi ištub kaskerüunal .
Kondi magadap-ki side kaskennuu .
Kevaduu mužik'aine tuli kirvhutme .
Kondi karzib lapoil , mužik'aine kirvhuu .
Kasken karzitihe .
Kondi pagižeb möst mužikalo :
- Konz nügutte , mužik'aine , tulod ?
– A nügut' naku nedalid' kaks’ proidub ka tulon puutmaha .
Kaks’ nedalid' proidi , mužik'aine tuli , virit’ kasken .
Kondi viritab , mužik viritab .
Puuttihe kasken .Paloi hijau hivin' , ii gänu nimittušt’ pätnašt’ vauktad .
Kondi kaik känd’ , kandiš nenod palopud .
Kandištihe , palon lodihe .
Mužik'aine pagižeb :
- A kutšo mina , - sanub , – tulon hebuu kündmaha , ved’ hebo kondid' varaidab ?
– Sina hebolo päha pano havad da tulo muga .
– Ii , hebo kondg'an rižab , uidub , minain’ ii saška küntta .
Sina uidu , mina semendan , potom sina tulod .Mina üksnäin' kündan , ägestan i semendan hebome .
Kondi mužikan kundol' , uidii .
Nece mužik'aine tuli , nagrhen semenz’ , paloižen künd’ , ägest’ .
Kazvab nece nagriž .
Kondi kaiken nagrižmannu käub , ii rohti edahaks nikuna , ii rači mända .
Mugoine čoma nat’ kazvoi hüvä , süguzuhusai kazvoi .
Kondi ii koske .
Mužikäine tuli rižamaha , nat’ čoma .
Kondi küzub :
- Mida , mužik , nügüt' radaškam ?
– A vuu naku nedališt’ kaks’ proidub libo kuume da tulom nütkmähä .
Proidi kuume nedalid' .
Kondi ištub kaiken .
Mužik da ak tuudihe nütkmähä .
Nütkitihe mužik da ak nagrhen , kondi-ki nütkib .
Nütkitihe , nütkitihe , viičed ottihe , kogoine leštitihe .
Mužik küzub kondgäu :
- Mida otad , kondi , otad pälombaižen vai alombaižen ?
– Miniin’ pälombaine anda .
Hän dumaib , kagran söskendob , päu hüvä , ka pälombaine i nagrhes-ki hüvä .
Ukoine nagrhen haudha kopaz’ , a kondi nätin' haudha kopaz’ .
Ištub kondi kaiken kopannu , varastab konz ukoine tulob nagrhezo .
Ukoine pagižeb kondg'alo :
- Mina nagrhezo se tuloškan , ka hebo se varaidab , ka sina uidu .
– A en uidu , ii varaidaška .
Kondi ištub , a sigau g'o ukoine gor'uib :
- Kut tariž ajada nagrhezo , kondi nügütte mindain' söb .Ved' hänou kopatud nati hapatihe , a mina otan nagrhen hüvän .
Miniin’ g'o siloi surmaine .
Ajetihe kahton kesken akame , hüvästi pagištihe akaštme kodiš , kut rata .
Mužik hänolo opendab :
- Sina , akaine , naku na kirvez , nu a mina otan toižen kirvhen .Lähemba hebod-se sinna nagrižmannoks-se mina ajan , da sina gäd da kočkuta-ki .
A mina küzuškan :
- Ken sigau ?
Sina otvetoiče :
- Mecnik .
– Augat tuugoi tänna , kondgid iile .
Sina ala tulo , ala ozutado .
Ajei mecha mužik'aine , ajei ka kondi ištub .
Mida tehta ?
- Davai , kondi , kaigam haudad .
Sigau staruhaine g'o kočkutab kirfhuu .
Ukoine kričib-ki :
- Ken sigau ?
– Mecnikad .
– Keda tö ecit ?
– Kondgid' .
– Augat tuugoi , tägau iile kondgid' .
A sina , kondi , vere regelo .
Kondi regelo valihe :
- Sina , ukoine , sido mindain' norau .
Ukoine norau sidoi .
- Anda mina kirfhudon panen regehe .
Täpsaidab kirfhüu kondg'alo vacha .
- Oi g'o , kibed !» – kondi-se pagižeb .
Ukoine sanub :
- Davai mina toižhe sijaha išken , en sihe ka ii kibed .
Toižen kerdan täpsaidab kirfhuu vacha .
Kondg'au kiškad langetihe .
Sidotud norau ka ištub kondi regüu .
Staruhaine hotkemba tuli da heboižuu kodihe ajetihe da kondg'an vedihe-ki .
A potom kondg'an ved'he , güudatadihe , toižuu päivau nagrhezo tuudihe .
Nece mužik'aine mahtoi rata .
Kondg'an sai dai nagrhen kaiken ot’ kondg'an väguu .
Kut mužik i kondi nagrhen semetihe
вепсский
Средневепсский восточный
-
-
-
-
-
-
-
-
-
-
-
-
-
-
Как мужик и медведь репу сеяли
русский
–
–
-
–
–
–
–
–
–
-
-
–
–
–
–