Тексты
Вернуться к списку | редактировать | удалить | Создать новый | История изменений | Статистика | ? Помощь
Kilpakosinta
Kilpakosinta
карельский: собственно карельское наречие
Кестеньгский, Оулангский, Тихтозерский
Anni
čikko , ainut neiti ,
hiänpä še juoksi , jotta joutu ,
käsin kiäri vuattijahe ,
koprin helmanša kokosi .
5 Läksipä vaššan kaštajiksi
vaškivyön valiččijiksi .
Luokši šilmäh luotehella ,
piäh kiänti alla päivän .
Näkipä laivan laškijakše ,
10 purjehen purehtijakše ,
venehen vajonnehekše .
Vuottanenko vain en vuottane ?
Onko še vanha Väinämöini
vain Väinämöisen jumala ?
15 Onko joukot Juokahaisen ?
Nämä on joukot Joukahaisen .
"Kunne še , kurjaset , kuletta ?
Kunne še , kurjaset , kuletta ?"
"Läksimä hanhijen hakuhe (e ),
20 koukkupolvien pujeluhe ."
"Elkyähän vain valehelkua ,
ei ennen miun tuattoni ,
vaka valta vanhempani ,
kuin läksi hanhien hakuhe
25 koukkupolvie (n ) pujeluhe ,
pani pyššyt pyykkämähe ,
jalot joušet joukkamahe ,
jalot joušet joukkamahe ."
Mänipä šeppo-veijon luokši ,
30 mänipä šeppo-veijon luokši :
"Tavo miula viijet vitjat ,
kolmet korvirenkahaiset ,
mie šanon šiul (a ) šanomat ,
vannomattomat valehet ,
35 pienen laivan laškijakše ,
purjehen purehtijakše ,
venehen vajonnehekše .
Vuottanenko vain en vuottane ?
Onko še vanha Väinämöini ?
40 Olipa še joukot Joukahaisen .
Mäntih Päivölän pitoihe ,
hyvän joukon juominkihe ."
"Anni čikko , ainut neiti ,
lämmitä šalova šauna ,
45 pieni pirtti rivvuttele
halkosilla hienosilla ,
pienillä pilašterilla .
Kanna vettä läikyttele
kattilalla pienosella
50 kahen šormen mäntävällä ,
peikalon mahuttavalla ."
"Kuulepa , šeppo veijoseni ,
nyt on lämmin šalova šauna ,
pieni pirtti rivvutettu .
55 Mäne kylve kylläsekši ,
pešeyhy valkijaisekši .
Šiel’ on vettä lämpimäistä ,
šaippuvaist’ on šäihköväistä ,
muššan kyynän šeisovaista ."
60 "Lähen Päivölän pitoihe ,
hyvän joukon juominkihe ,
hyvän joukon juominkihe .
Voi , emoni kantajaini ,
varsin vaivan näkijäini ,
65 nyt lähen Päivölän pitoihe ,
polen pois Päivölän neijon ,
lähen Päivölän pitoihe ,
polen pois neijon lemmen ."
"Kuulepa , miunni poijoseni ,
70 kuulepa , miunni poijoseni ,
elä lähe Päivölän pitoihe ,
šiel’ on kolme šurmua matalla ."
"Voi , emoni kantajaini ,
varšin vaivan näkijäini ,
75 ei ole šurma miehen šurma ,
ei ole šurma miehen šurma .
Anna lammašta laukan täyvven ,
kiherävillua kiekon täyvven .
Šillä piäšen šen šurmanehe ,
80 šillä piäšen šen šurmanehe ."
"Mänet Päivölän pitoihe ,
hyvän joukon juominkihe ,
tuuvah tuopilla olutta ,
kannetah kakšikorvasella ,
85 mavot laijoilla mateli ,
kiärmiet piällä kiäntelehti ."
"Hoi , emoni kantajani ,
ei ole šurma miehen šurma .
Vejän veičen huotraštani ,
90 tuiman rauvvan tupeštani ,
tuiman rauvvan tupeštani ,
ruhka muaha , ruoka šuuhu ,
ruhka muaha , ruoka šuuhu ."
Šano (u ) Päivölän neiti :
95 "En tiijä , poloni poika ,
lähenkö laivan laškijalla
vain purjehen purehtijalla ,
vain lähen , kor’a , Kojon rekehe .
A lähen Kojon rekehe ."
100 Ajo vanha Väinämöini ,
hän ajo vašuttelevi ,
ajo Väinölän ahoilla ,
Kalevalan kankahilla ,
iski virkkua vičalla ,
105 heitti helmiruoškasella ,
kivet kil’l’uu , kannot karjuu ,
vuoret vaškiset vapisi .
Kilpakosinta
карельский: собственно карельское наречие
Кестеньгский, Оулангский, Тихтозерский
10
20
25
30
"
35
45
50
65
70
75
80
85
90
95 "
105
Лавонен Нина Александровна
Состязание в сватовстве
русский
10
20
25
30
"
35
45
50
65
70
75 (
(
80
85
(
90
95 "
105