Тексты
Вернуться к списку | редактировать | удалить | Создать новый | История изменений | Статистика | ? Помощь
Repo tа ukko kalalla
Repo tа ukko kalalla
карельский: собственно карельское наречие
Ухтинский
Panou
ukko kokkua järveh ta ryšyä niihi kokkih .Lähtöy ryšilläh huomena .Mänöy jyštäy ryšän . Noštau – ryšä on täyši matikkua .Hänellä on ahkivo , minne panna kalat .Pani ryšän jälelläh järveh ta läksi kotihih matikka-ahkivuo vetämäh ta šukšillah hiihtau .Repo juokšentelou puoleh-toiseh tiellä ta kaččou , kun ukko vetäy matikkua , ajattelou : "Millähän nuo matikat šaisi ukolta ahkivošta "?Heittäytyy kuoliehekši tiellä .Ukko tulou revon kohtah :
– Kačohan , pyhä Petri anto kalua ta nyt pyhä Miikkula revon .
Ukko noššaltau revon ahkivoh matikkojen piällä .Jakkuh heittäy piällä , kun kuuma tuli .Iče hiihtau , ei kačaha jälelläh päin .
Repo ahkivošta kaikki šyyti matikat tiepuoleh .Ukko tuli kotihih i karjuu :
– Tuo , akka , vakka matikkoja ottua ahkivošta !
Akka juokšou vakan kera .Ukko šanou :
– Täyši ahkivo on matikkua ta vielä on repo jakun alla !
Akka kohottau jakkuo ahkivošta .
– Tiälä ei ole , – šanou , – repuo , eikä matikkua .
Ukko kiivaštu šemmosekše , jotta mintäh sielä ei ole .
Akka šanou :
– Tule , kačo , vet on tyhjä ahkivo !
Ukko kaččou :
– Kyllä še repo oli peijakaš ta šyyti miulta ahkivošta kaikki matikat .
Repo šai matikat , ukko jäi tyhjäkše .
Repo tа ukko kalalla
карельский: собственно карельское наречие
Ухтинский
–
–
–
–
–
Лиса и старик на рыбной ловле
русский
–
–
–
–
–