Тексты
Вернуться к списку | редактировать | удалить | Создать новый | История изменений | Статистика | ? Помощь
Ukko, akke i kana
Ukko, akke i kana
карельский: людиковское наречие
Южнолюдиковский (святозерский)
Eletäh
ukko da akke vahnat , perehetä kahtei .Heil on kana .Kana muniw däičän .Se pandah padaižeh . Se nostettah paččahan piäh .Tulow hiiri , händäl häibäidäw , n’uokal čuibaidaw . Padaine sorduw lat’t’aile .Padaine menöw palaižikse , däičäine menöw muruižikse .Rubettih ukko da akke itkemäh . Kana rubeži kokottamah , lehme rubeži möngymäh , hebo rubeži hirnakuoiččemah .Ajettih pedran ajajat ikkunoin alušt myöte .
– Midäbo , – sanow , – täs taluois itkedäh ?
– Täs taluois , – sanow , – on ukko da akke , da heil oli kana . Kana munii däčäižen , i sen pani paččahan piäh padaižeh .Tuli hiiri , händäl häibäiži , n’uokal čuibaiži , padaine menöw palaižikse i däičäine meni muruižikse .Sidä ukko da akke itkedäh , sidä kanaine kokottaw , sidä työ pedruoil’ sarved kolotitte iäres .
Sidägi pedruoin ajajat sarvet pedruoil kolotittih iäres .
Ajettih pedran ajajat ,edelleh piäi .Kačotah , papin käskyläine i kazakke vette otetah .Hyö i kyzytäh pedran ajajil , sanow :
– Miksebo työ sarvittomil pedruoil ajatte ?
– Ka työgi murendažitte , vai tiedäžitte . Korvuoid , korendod dai rengit pergažitte .
– Mindäh ?
– Ka vot tuo oli taluois slučei , kus myö proidimme . Kana munii däičän , se pandih paččahan piäh .Tuli hiiri , händäl häibäiži , n’uokal čuibaiži : padaine palaižikse , däičäine meni nmruižikse .Ukko-akke itkedäh , kana kokottaw , lehme röngyw , hebo hirnakuoiččow dai myö sidä perid pedruoil sarvet pergimme .
Hyö otettih korvuoi murendettlh , korendo pergettth , rengi pergettih kai paluoikse .D’uostah kodih papad’d’alluo .
– Mỉbo , – sanow , – teile nygy sluččiiheze ?
– O , matuška , mi sluččiiheze , ka sinägi pergažit kai lomut palaižikse , mi vai on . Nečigä taluois oli slučei : kana munii däičäižen , se pandih padižeh , pandih paččahan piäh .Tuli hiiri , händäl häibäiži , n’uokal čuibaiži ; padaine meni palaižikse , däičče meni muruižikse .Sidä ukko da akke itkedäh , sidä kana kokottaw , sidä lehmäd möngytäh , sidä hebot hirnakuoitah , sidä pedrad lähtedih sarvittah , sidä myö tulimme korvuoittah , rengittäh – kai murendimme .
Hypniw papad’d’e : davai murendamah ast’uoid .Murendaw – mi padad on , samvuarad on , kattilad on – kai pergaw lat’t’aile , midä vai on .Ičelleh sovat kai rebitteli piäl i d’uoksow papilluo .Pappi i sanow papad’d’ale :
– Mi čuudiheze ?
– Ka ku sinä tiedustanned , ga kai murendad kirikös , ei diä ni midä !
– Ka mibo oli ?
– Ka oli taluois nečigä starikke da staruwhe . Heil oli kana .Kana munii däičäižen .Sen pani padaižeh i sen nosti paččahan piäh .Tuli hiiri , händäl häibäiži , n’uokal čuibaiži – padaine meni palaižikse , däičäine meni muruižikse .Sidä ukko da akke itkedäh , sidä kana kokottaw , sidä lehme röngyw , sidä hebo hirnakuoiččow , sidä perid lähtedih pedrad sarvittah , sidä peräd meiden kazakke i käskyläine murettih korvuoi dai kai vezibrujad .D’uostih kodih , sanotah minule .Minä kai kodis murendin , mi vai midä oli .
Pappi ku hypnii , čašan ku poltti lat’ette vaste , vai palašte hypniw !Mi oli obrazad , midä oli kirikös – kai murendi .Ičelleh riizut kai rebitteli piäl , kai tukad ičelleh dergajii .
Tuldah mir’anat kirikköh .Pappi kai murendanu : ičelleh riizud rebitelnu piäl , tukat kai dergainnu , ištuw ku roatr’oppa .Midä nygyöi ?Pidäw žualob azui papin piäle da työndäi arheleih , mikse häi kirikön murenzi .Kuččuw papin arhelei .Menöw pappi arheleilluo . Arhelei sanow :
– Ka miksebo sinä murendid kirikön ?Žualob on sinun piäle !
– Ga presv’aščennikke vlodi̮ko , ku tiedustanned tämän dielon , ka sinä kai murendat soboras . Da on slučei yhtes sijas : oli staruwhe da starikke , heil oli kukuoi da kana .Kana munii däičäižen , se pandah padah paččahan piäh .Tulow hiiri , händäl häibäidäw , n’uokal čuibaidaw : padaine menöw palaižikse , däičäine menöw muruižikse .Ukko da akke itkedäh , kana kokottaw , lehme röngyw , hebo hirnakuoiččow , pedrad lähtiettih sidä perin sarvittah . Papin käskyläine da kazakke lähtedih korvuoittah , papad’d’e kai murendi ast’aid pertiz i sobad rebitteli sidä peräd .Sidä perid minä murendelin kirikös kai mi vai oli .
Arhelei hypniw yläh , rängähtih pappiluoil da diekkonuoil , štobi̮ olis kai pergetty .Iče ku kadilon koskettaw lat’ette vaste , vai peluoid hypniw yläh .Pappi da diekkonat kai pergettih .Arhelei ičelleh piäl riizud kai rebitteli i papil anduoi prikazan , štobi kai rebiteldäiž .
Tullah kirikköh , značit mir’anad molebn’ah .Soboras mi oli , ga kai muretud , papil da diekkonuoil riizud rebiteltyd , ištutah i arhelei omad riizud rebitelny oli .Azutah arhelein piäl zajavlenii i työtäh cairih .Cairi kuččuw d’o arhelein , sanow :
– Miksebo sinä kirikön kaiken murendelid dai riizud rebitelid ?
A häi sanow :
– Ku sanuoižin sinule , ga , naš gosudar’ , kai sinä kaiken carstvan murendaižid .
– Mibo oli sid teil’ čuwdo muguoine , sano ?
– Oli yhtes kyläs ukko da akke , heil oli kana žiivattad . Kana munii däičän , sen pani padaižeh paččahan piäh .Tuli hiiri , händäl häibäiži , n’uokal čuibaiži – padaine meni palaižikse , däičäine muruižikse .Ukko da akke itkemäh , kanaine kokottamah , lehme röngymäh , sidä že hebo hirnakuoiččow .Ajettih pedran ajajad : "Mibo täs taluois sluččeidunnu on – itkedäh nenga "?A heile i sanotah , što slučei nenguoine on .Pedran ajajat sarvet pedruoil kolotittih iäres .Ajetah , ga oldah papin käskyläine da kazakke vedel : "Midäbo slučeidu on , pedran ajajat , ku pedruoil sarvid ei ole "?– "Ka työ tiedäižitte , ga pergažitte korvuoid dai rengit ". Ku sanot’t’ih , hyö perget’t’ih .Tuldih kodih da ku papad’d’al sanotah , papad’d’e kai pergi i rebitteli sobad .Papad’d’e ku sanow papile , pappi pergi kirikön i kai murenzi .Pappi ku sanow minule , siid minä kai pergin dai rebittelin sobad .
Cairi sanow :
– Kačo , sanottih , duhovnoil zvan’al ei ole mielde , ga ei ni ole .Yhten däičän tiäh mi elod murendettih !Sinule viiššuoi mer nakazaanii – temniččäh , stobi enämbi ed valgedad ilmad nägiiš !
Ukko, akke i kana
карельский: людиковское наречие
Южнолюдиковский (святозерский)
–
–
–
–
–
–
Старик, старуха и курица
русский
–
–
–
–
–
–