Тексты
Вернуться к списку | редактировать | удалить | Создать новый | История изменений | Статистика | ? Помощь
Kuldupää sorzu
Kuldupää sorzu
карельский: ливвиковское наречие
Видлицкий
Oli
ennen kaksi vel’l’esty .Yksi oli köyhy , toine oli bohattu .Köyhy velli huondeksel lähti meččäh .Kaččoo – meččy kaaduu , a leikkaajaa ei ole ni kedä ."Tädähäi kummaa olgaheze : meččy kaaduu , leikkaajaa ni kedä ". Siä vastaa ga :
– Sinun velles ščaasti kaadaa .
Häi sanoo :
– Vot toizel on lykky , a toine et tiije ni midä syvvä .
– On i sinul ščaasti , ga et kehtaa eččiä .
– Kuzbo minä ečin ?
– Mene lagiel pellol , vihandal niityl , siä sinun ščaasti magaa šaatras . Spokoino magaa , ni vyödy vyöl ei ole .Ota viččaine da kolme kerdaa iške vičal , sid häi vastaa .
Häi lähtöö , kaččoo – siä spokoino šaatras magaa .Ottaa viččazen , išköö kolme kerdaa . Hyppää siä :
– Midä sinä lyöt ?
– Da , minul ei ole ni midä syvvä , a sinä magaat !
Se sanoo :
– Mene kodih .Mennes kačo , kuz on ojaine i sih ojazeh pane mereži .
– Kuibo minä laain , gu eule d’engaa ostaa ?
– On sinul raudulomulois viizi kopeikkaa . Sih saat langaa , mi sinul pidää .
Häi menöö i löydää viizi kopeikkahizen i ostaa sih langaa .Panoo ojah merežin , huondeksel menöö sidä kaččomah .Menöö kaččomah – ga kuldupää sorzu .I sе sorzu munii d’oga päivää kuldazen däičän , i sе maksaa sada rubl’aa .Häi enzimäzet däičät myöö , eloo sih saabi .Nygöi munittaa des’atkoin , sid äski lähtöö myömäh .Se d’o hyödyi sinne käzih i rodih bohattu .Sid häi venehen ostaa , lähtöö toizih gosudarstvoih torguiččemah .Emändäl lähties sanoo :
– Smotri , štobi̮ ni kenele et sanos sorzaa !
D’o emändän loo ruvettih käymäh suuret herrat .I erähän generaalan kel pril’uubihes i ruvettih elämäh .Generaalu kyzelöö :
– Mil työ nenga terväh hyövyittö , vaste olitto ylen köyhäzet ?
– Ei saa sanua .
– Gu ei saa sanua , ga proššai ! – sanoo generaalu .
Akku kucčuu därilleh i sanoo :
– Vot meile on sorzu , i se munii d’oga päivää däičän , i se maksaa sada rubl’aa .
Ceneraalu sanoo :
– Ozutaz sidä sorzaa .
Häi sanoo :
– Ei saa ozuttaa .
– Ei saa , ga proššai !
Hänelleh žääli vie , i ottaa dai ozuttaa sorzan .Ozuttaa sen , ga huraan siiven alle on kird’utettu : "Ken tämän syönöö , rodiah caari ".A oigias : "Ken tämän syönöö , rodiah veliikoi knääzi ".
– Midäbo minä otviettaa piän , gu izändy tuloo ?
– Otviettaa on helpo pidää – sanoit : sorzu töllöi – da dielo koncom . Midäbo tuužit , hot’ tappanet , minun kel rodiah hyvä elää , – sanoo generaalu .
Häi otti dai sen andoi .I se tapettih dai žaarittih .Hänelleh oli kaksi brihaččustu : Kol’a da Miša .A niilöih brihaččuzih generaalu kačoi , gu madoloih .Generaalu gu röngähtih , i brihaččuzet mollei päčile pagoh .Akku lämmitti kylyn . I generaalu akan kel mendih kylyh , a sorzu dätettih päččih , što "kylys tulduu syömmö sen ".Kol’a da Miša päčil nostah da sanotah :
– Vot mille nečis päčis päi hyväle tulloo ?
Kuharku punaldih pihale .Kol’a sanoo :
– Davai syömmö , nečiä päčis on sorzu !
– Syönnemmö , ga sid propadimmo .
Yksikai se syödih hyö , luupalazet vai pandih därilleh riehtiläle .Tuldih kylys i kučuttih kuharkal :
– Tuo nygöi žarkoi !
Kuharku toi , ga vai ollah luupalazet .Kuharkaa davai čakkaamah :
– Ičego söit , vai ken söi ?
Kuharku sanoo :
– Naverno , ni ket ei syödy ...Minä pihal kävyin , sil aigaa , naverno , Kol’a da Miša syödih .
Generaalu sanoo :
– Nygöi pidäa Kol’a da Miša tappaa i heijen maksat tuvva minul syödäväkse .
Akku sanoo :
– Midäbo sid minä ukol tulduu sanon ?
– A sanot , što hyö kuoltih .
Heijät šuoritettih i regeh i kazakku työtäh tappamah korbeh .Lähtöö kazakku viemäh i pagizoo heijän kel :
– Vot , – sanoo , – žääli olis teidy tappaa , ga kuibo minä otvietan annan ?
A Kol’a oli smieloimbi i sanoi :
– Sinä gu menet – ga koiru on kandanuh .Sinä gu ylen terväh kudžun tembaat , ga koiru hyppää sinul hardeil .Sinä kudžun lykkäät i heile sanot , što maksat koiru söi .
I häi ajaa kodih .Menöö , gu koiran kudžun tembaa – i koiru hänel ryndähil i hyppää , da čud’ vai ei sobii revittele .Häi menöö pertih i vi̮javii :
– Laadiat midä tahto : koiru maksat söi i kai sovat revitteli .
– No nygöi pidää koiru tappaa i maksat syvvä .
Brihaččuzet lähtiettih maailmal ploovimah .Puututah taloih .Kirikköh zvonitah .Leskiakku sanoo :
– Mengää , lapset , kirikköh , nygöi olis ylen hyvä sluužbu : caarii vi̮biraijah .I kenel tuohus virinnöö iče – se roih caarikse a toine rodiah velikoikse knääzikse .
– Myö lähtizimmö , ga eule d’engaa tuohustu ostaa .
Häi ottaa i kolme kopeikkaa andaa mollembil .Mennäh kirikköh , seizotah rinnakkai .I sih on objaulenii lyödy .Sid kirikös on d’oukko herraa .Vaigu se tuohuksien virindyaigu tuloo – heijän i tuohukset viritäh .Hyppää se sama generaalu , molembil tuohukset sammuttaa .Sluužbu sе proidii .Hyö tullah taloih pahas mieles i sanotah :
– Vot , baabuška , meile viriäksendeli tuohukset , ga generaalu tuli dai sammutti .
Leskiakku sanoo :
– Älgää olgaa pahas mieles : kolme ildaa v biraijah .Huomei i menettö .
Taase tossupään sluužbal zvonitah , i baabuška sanoo :
– Mengää , lapset , kirikköh .
– Meil ei ole dengaa .
Häi mollembil kolme kopeikkaa andaa .Mennäh .Vai se virindyaigu tuloo – heijän tuohukset i viritäh .A generaalu sammuttaa .Mennäh kodih i taase žaaloboijahes baabuškal .
– Älgää pahas mieles olgaa : ei kolmattu kerdaa sammuta .
Taase kolmas kerdu lähtietäh .I iče leskiakku lähtöö i rinnal brihaččuloin seizattahes .Vai se tuloo virindyaigu – heijän tuohukset i viritäh .Generaalu hyppää , ga baabušku i kirgaa :
– Uraa !Kelle kolmazgi kerdu virittih , ned i roijah caarikse i veliikoiksee knääzikse !
I heis rodih : yhtes caari , toizes knääzi .Heile himoittaa lähtiä tiijustamah , viego taatto on elos .Mendih kodih , pyrritäheze .Ribusovat heile on päälpäi , a hyvät sovat al .Pyrritähes yökse .A emä sanoo :
– Kaikkii kaalikkoi lasket yökse !
No yksikai taattah laskoo .Heil ižä kyzyy :
– Gu oletto ijän kävellyöt , ettego tiijä skaaskaa ?
– Tiijämmö , a tol’ko ken keskustannoo , sid ezimäzel kerral sada rubl’aa , toizel kerral kaksisadaa rubl’aa , i nel’läsadaa rubl’aa , viijendel kerral – ugolovnoi nakazaanii .
Brihacčuzet sanotah kai , kui dielot oldih i kui maamah heidy nakazuičči .Dai kai podrobno sanellah .A maamah i keskustaa kolme kerdaa .Nel’länden gu kerran keskustaa – i händy nakažitah tyrmäh .A ižä otetah ičen kel i vai eletäh .
Kuldupää sorzu
карельский: ливвиковское наречие
Видлицкий
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
Золотоголовая утка
русский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–