Тексты
Вернуться к списку | редактировать | удалить | Создать новый | История изменений | Статистика | ? Помощь
Tyttölöillä itettih
Tyttölöillä itettih
карельский: собственно карельское наречие
Паданский
Kačo
vai , jo tuldih
parahila ilmazila peälä ottajoa parašta hyväist'äš
jo olovih spoaššuzih tuldih ottamah .
Jo ihalila ilmazila peälä ažettajoa , ihaloa tataistaš
kalliz narodakundane tuldih kallehih spoaššuzih kaimoamah .
Olovoa papaistaš sielä (libo tatua sielä )
olovii spoaššuzih tuldih jo ottamah .
(Ku tuldaneh silä hebožela ottamah , ni šanou :)
Vil'l'oi laubatettuloila vil'l'avaržazila tuldih viehät't'ämäh
viekašta hyväišt'äš viekkahih spoaššuzih .
(A ku tuldanneh ottamah mašinoila sie , ni pajatetah :)
Kudamažetto ollah polvimoakundažen podeelaijut
kaheksikruugaižet kablietkat .
Ni niilä kahekšikruugaizila kablietkoila
tuldih kallišta hyväišt'äš kallehih spoaššuzih jo ottamah .
Kalliž narodakundane ,
dai občoi olova omakundane kai oboidittih .
(Da siidä vielä :)
Ottakoa ennen polvi loadiezieš paikkazišta
lähendäzie polvihyväzeštäš
polvin alažet polnoit proškenjažet .
(A ku siidä pihala män'n'äh , sie pihala it'et'äh :)
Hoi kalliž narodakundane , anakkoa
kallehela hyväželäni kallehih spoaššuzih lähtiessä
polviloin alažet polviroškenjat .
Moožet miun polvin loadijaženi ,
mimmoižet t'eilä pahad dieložed loadi ,
ibo mimmoižila vigašanazila virkki ,
ni anakkoa polvi spoaššuzii lähtieššä proškenjat .
(Ne šanat liž'ät'äh aina sih muah pannešša . A sid'ä vielä itetäh , kun tulou tiešuara , jälgimäine se tiešuara , sine kun lähetäh , kladbiščale :)
Polvi moakundažen podeelaiduloida postuvoiloišta
jo povorotat podeelaijah polvi spoaššuzih .
Ihalua tataistaž jo ihalan narodakundažen
ažetettuloišta poštovoiloišta
jo povorottažet polvi spoaššuzih loaittih .
Arvele , što armašta tataištaš jo armahih spoaššuzih
varoin ažetettavikše viet'äh ,
kaheksi (siid it'et'äh ) kaheksi sylizih kanoavoih heit'et'äh
da peldomoahuzih peit'et'äh , kangažmoahuzih katetah .
(Veikko jesli on moah pannešša t'yt't'ärelä silä :)
Elä ni ana voalizieš godnoimmala siemen'yölä
valgieda tataistaš kaheksi sylizih kanoavazih kattoa .
Läkkä ko angehen alažen varduvuon kera kereälemmä ,
kudamažetto ollah kebijät lepän pelvožet ,
ni niijen kebeijen leppäpelvožien alla peit't'elemmä .
Kuin tulet šujendajazie šulazie eččimäh šugeistä spoaššuzišta ,
ni kui kebjät leppäpelvožet kalduamma ,
dai šugijan hyväžes šulažet n'eämmä .
(Ne sanat kai itetäh , sih moah pannessa .)
Tyttölöillä itettih
карельский: собственно карельское наречие
Паданский