Тексты
Вернуться к списку | редактировать | удалить | Создать новый | История изменений | Статистика | ? Помощь
Ku mäned kladbiščala, ni siidä it'et'äh
Ku mäned kladbiščala, ni siidä it'et'äh
карельский: собственно карельское наречие
Паданский
Voota jo
rubielen , angeh da aivin ozatoi gor'akulu ,
armahazila ilmazila peelä azettajoa
armasta mamaistani aigauttamah .
Voota jo rubielen kuulomien luohizista paikkazista
kulgehua kurjanalane varduvoni ,
kudamane on maila loadija mamaženi ,
kuottelen , eigo kuule (?) onehtunuon varduvoni ,
n'äiksi tulendakerdažila hoti kuonuksendeliete .
Oi maila loadija mamaženi , kuottelen oneh varduvoni
omilani kuldazila kielenkalavehuizila siudaš kuonnuttoa ,
ni , kuin ed ni kuih loaduzih
onehenalazen varduvoni kuonnutukšuzie kuundele .
Kui kargijanalane varduvoni kallehieni armozieni paikkazih
ku n'ämä kerdažet koalelin ni ,
en'ne viizijä kymmenijä virstazie vierendijä
viihyt't'äjäzieni paikkazista viluloila vierräh .
Oi maila loadija mamaženi , kui šurendo varduvoni
šujendamijen šulattomista paikoista tulin ni ,
duumaičin , voota lähen angeh varduvoni ,
kuin aigojazijeni paikkazissa
ei armahan mamažen armoloja ole ni .
Engo voi hot kaunehemilda kladbiščamuldazišta
šugijan šula mamažen šulazija löydeä .
(Engo muissa ielläh .)
Ku mäned kladbiščala, ni siidä it'et'äh
карельский: собственно карельское наречие
Паданский