Тексты
Вернуться к списку | редактировать | удалить | Создать новый | История изменений | Статистика | ? Помощь
A mihbo varo on t'ähä
A mihbo varo on t'ähä
карельский: собственно карельское наречие
Мяндусельгский
A
mihbo varo on t'ähä sugie narodakunda suurih soberainnus ?
Vain on suurih sobranjoih varo ?
En tuima voi vous'o toimittua .
Vain on siun kažl'ua da kandamaista
kaimuamah suorittu , keräyvyt't'y ?
Vain siun otetaa kallehien muailmoila piäl'ä
kallista kazvatettuu karut uččimazet učittaviksi
viluloila i vierahila rannoila ?
Vet ruvetah siun kukko kuvuamaista siel'ä
vanhemmatti , strožnoimmat kamandierat strožimah .
Annetah siun kukko kuvuamazela ,
kumbazet ollah oigeissaigo olgupiälöissä kanneldavat ,
oigiemmatti oružjaravvat .
Jo otetah siun kandamaista kandamien viluloila rannoila .
Vet siuri voijah kandamaista karuloih luaduloih kuaznie .
Ottamaista vo (i )t siun leppäpuuloin manieroih leikotah .
Siun kargienalazen kandajazen kandamaista
kaskipuuloin sijoičči vet kuatah .
Moužed (e ) n'ämbi omua armahila muailmoila piäl'ä
omua da armasta kandamaistani ,
moužet ette rubie n'ämbi viluloilda ,
vierahildago ikonattomilda rannoildago vuottamah .
Ottele varaksi omastas armahasta kukko kuvuamazesta
jälgimäzet i posliedn'oit proškenjat .
Moužet siuda n'ämbi kukko kuvuamazeni
ei sua siuda ihalih synd'yzih ,
moužet viekkahih synd'yzih en'n'ä händ'ä varussut .
Nin ei siun , ihalan kandajazen
ihozii n'ämbi vuos'o sua n'ägemäh .
Oi pal'l'o kandajane , prostiete omas armahastai
hyväst'ä kukko kuvuamazesta
igiziksi da iskolivečnoiloiksi igäaigaziksi .
Roitahgo vielä siula , oi mielikirjava kandajazen ,
mieliruadostizet siun kukko kuvuamazes .
A mihbo varo on t'ähä
карельский: собственно карельское наречие
Мяндусельгский