Тексты
Вернуться к списку | редактировать | удалить | Создать новый | История изменений | Статистика | ? Помощь
Pualen yän jälgie — huandezvirzi
Pualen yän jälgie — huandezvirzi
карельский: ливвиковское наречие
Неккульский
Hospodi da
(i ) boože , blahoslovi , kristos ...
V (u ) otaz opin (i ) ruveta , kuvamaine'n akku , kuanuttelemah ,
kargijaine n akku , kallištu hyväšty .
Opiz vai livailla liijad liččažet
opiz vai availla kaijad katepattinažet .
I rubian kyvelmäine n akku kyzelemäh ,
kui sinun heleväd hengyäd dai lämmäžed lähtettiättih (?).
I oligo , armas kalliš hyväženi ,
sinun (i ) helevii hengyžii ottelemaz
Mihail-Arhangel dai Gavril-arhangel
valgeiloin vahatuahuksužian kel
da kuldažian poslušniakkažian kel ,
dai mageiloin luadansavužian kel ?
Oteltihgo sinun heleväd hengyäd
oigeid suuret syndyžet oigeiloile pualužil ?
Vai oteltih huraloile pualužil ?
Oi kalliš hyväženi , oigeiloil pualužil on
suurian syndyžiän suured (i ) prestolažet ,
huraloil pualužil on sotonvskoit sobruaniežet .
Liännöygo sinun (i ) heleväd hengyäd oteltu oigeiloil pualužil ?
Liännöygo suuret syndyžet sinun priimitty
suurian syndyžiän prestolažih ?
Liännöygo anneltu sinule pitkiz matkažiz mendyy
hyldynyžile huulužile magiet mezir'umkažet ?
Viä kyvelmöine n akku opin sinul kyzellä ,
oldihgo , n armas kallis hyväženi , sinun
ičes kallehed n armožed , valaženin , vastailemas ,
helevii hengyžii ottelemas ?
Oldihgo iččez armahad kallehet kandomuat ,
kudamad mendih nuaril igäžil mareiloih muahužih ?
Oi n armas kalliš hyväženin , emmo voinnud ni
sinun heleviän hengyžiän lähtendyaigažii näh (tä ).
Sinun ku heleväd hengyäd mendih vaskižile bul'kažile vaste ,
dai raudažile ragehužile .
Oi , n armas sinä kalliš hyväženi ,
ozutteleije hot sigiunužih uinottuo ,
mittumad on sinul sen ilmažed sijažet ?
Oi kalliš hyväženi , n älä jo unohtele minuu kargijaštu akkua .
Lendele jo hod libujinnu liipoi-lindužinnu
minule , vaivažele akale , abužiksi .
Kačo vai , ku sinä jiättelit kallehii kandomužii suured kanzažet
minule kargijažele kazvateltavakse .
A minä opin , poltoine n akku , pokoroijakseh ,
pakiče jo suuril syndyžil minule abužet ,
da miilostižet da ruadostižet .
Sinä olet , kalliš hyväženi , suurian syndyžiän keskes .
Älä jo udrastu minuu akkua unohtele
da iččes kallehii kandomužii .
Minul on vaivažel akal ylen truudnoid elonaigažed elettävän (ny ).
Kaikelleh minä joga hualovua huandeksuttu sinuu
muaničen suurian syndyžiän ezis .
Oi armas kalliš hyväženi , andele
n imehyäle n akale n igäžet prošken'n'ažet ,
dai n igäžed blahosloven'n'ažet .
Emmo ku toiči vierehtynnyäd midä
vigasanažil toine toštu virkellyh ,
emmogo erähil aigažil toine toštu
grubinnuh gruuboloil sanažil .
Andele n imehyäle akale n igäžet prošken'n'ažet .
(Nygöi tämä lopih ).
Pualen yän jälgie — huandezvirzi
карельский: ливвиковское наречие
Неккульский
Плач после полуночи — утренний плач
русский
[