Тексты
Вернуться к списку | редактировать | удалить | Создать новый | История изменений | Статистика | ? Помощь
Pokoinikku laučal, dostalina huondeksena, bunukal i tytöl
Pokoinikku laučal, dostalina huondeksena, bunukal i tytöl
карельский: ливвиковское наречие
Неккульский
Kačos
, rubian muga surendoženi naine sula susiadaine ,
sinuudas , pestyženi , pagižuttelemah rubian .
Rubian kyvelmäine naine kyzelemäh ,
i kudamih luadužih sinul lähtiättih heleväd hengyäd ?
Liännöygo n oldu sinul , surendoženi naine ,
suuret syndyžet vastailemas , valgeiloin vahatuahuksužian kele ,
kyvelmäine naine , kuldažian poslušniakkažian kele ?
I kai on muga sinuz ymbäri kerävytty
sulad susiadažet , sugu dai rodu dai helevy heimokundaine .
Vai jo sinä , vaibunut naine , oled vaikkaine ,
ed voi meile ni kelle , viärehtynnyd naine virkkua .
I viä jo muga kačo , n atkalaženi naine ,
labohud naine lattias (?) päi ,
mindäh ollou jo sinun kallehet kandomuat ,
sinus päi välteltännyhyzen (?).
Ollougo , surendoženi , sinun piäle suututtu ,
vai ollou , viärehtynnyd naine , sinun piäle vihauvuttu ?
Opikkuatto jo täs , kallehet kandomuat ,
lähetä naižen kandajažele lähembäžekse ,
posledn'oloi suutkažii on nämii hualovii huandeksužii täs .
I jällez nämii hualovii huandeksužii lähtöy
enne käymättömih kohtažih , toičči tulemattomile dorogažile .
I viä jo kačo , labohud naine , lattias (?) päi
vai jo tuli kallehen kandomuan kandomuž ,
istuhes sinun kyvelmäženin kylmäžiän liikkažian edeh .
I vikse tuamenud miäs toimitteli ,
konzu johäi jätteli naine kandajoini händäh
meččäžih voimaidožii (?) imettelemäh , valgial ilmažil .
Tuližian bul’kažian keskez , raudažian ragehužian keskez olid ,
miälöviz meččäžis kai sinä ,
kazvajat koivužet vibužikse lämmyttelid hänen liikuteltez ga .
Vai jo häi ištuheze , kyvelmäiženi miäs ,
sinun kylmiän liikkažian edeh .
I jo opikkuatto jo , muga lähettä , kallehet kandomuat ,
elgiäd jo udraštu naštu ni unohtelkuatto iäleh päi ,
konzu katteletto kaunehih kalmožih ,
tuarehian turbehužian alle , marehih muahužih .
Da opikkuatto jo soborskoloi kelložii liikutella muga .
I pakikkuatto jo , poltožet siämenet ,
naižes kandajažes posliadn'oit kerdažet
igäžet prošken'n'ažet dai blahosloven'n'ažet .
K etto jo viärehtynnytty naištu vigasanažil virkkanuh ,
k etto kyvelmäšty naštu kylmil sanažil kylmäillyh ga .
Prostikkuatto jo dai pakikkua prošken'n'ažet
dai igäžet blahosloven'n'ažed naižes kandajažes .
Ei rodeije muga sinul (?) pertis (?)
Šuuroi-nimelline kalliš kandomuani ,
ni viakkahii veräižii availemah .
Jällez nämmii pädevii päiväžii ,
ei rodeije ni tämän ilman lämmäžii lämmittelemäh ,
ei rodei ni svetošnoloi čuajužii sinullez varustelemah .
I rodiau kai sinule (z ) nämikse
kergiälöikse kezäpädövikse päiväžikse
pastajat päiväžet vältyttyy sinul iäs ,
kai jo pimiät pilvyäd rodiau siiryttyä sinun päiväžile edeh .
Kivižet seinäžet roih seižomah pastajil päiväžil iäs ,
ylen atkaled elonaigažet jiädih sinulez ,
udraženi siämen , jäid yksinäh ,
nämmikse kergeilöikse kezäpädövikse päiväžikse .
Pokoinikku laučal, dostalina huondeksena, bunukal i tytöl
карельский: ливвиковское наречие
Неккульский
Покойница на лавке, в последнее утро причитывают внукам и дочери
русский
(