Тексты
Вернуться к списку | редактировать | удалить | Создать новый | История изменений | Статистика | ? Помощь
Ruuhehpanendu virzi
Ruuhehpanendu virzi
карельский: ливвиковское наречие
Коткозерский
Vuotaz opin
, kyvelmöine naine , kačahtellakseh !
Midbo nygöi , suuret susiedažet , luajiitto
puuhužizi vakki kodižen ga ?
Ettego hos pannuh pedäi-puuhužii ,
pečualanalužii jo igäžekse kodižekse ?
Ettogo hos pannuh pihlu-puuhužii , kovii puuhužii
hänelleh igäžih kodižih ga ?
Vuota opini kačellakseh , kyvelmöine naine , tämän kodižen ga !
Paniittogo kuuzi-puuhuziz laudažet ga ?
Hänel gor'al lahonnuot rungažet ga .
Passibot da suuret passibožedi annan
tämän vakki kodižen luajindua teile ga .
Vuotaz opin nygöi vie , kyvelmöine naine ,
sinule sijažen pehmitellä .
Panen hanhenhöyhenyöt uale päi .
Älgie pangua suurii luuččažii igävih kodižih ga !
Pangua piäsköihöyhenyöt kynäbryksien alle ga ,
pieluksužil lahovunnuole rungažele ga .
Anduatto jo nygöi igäžedi prošken'n'ažedi hänele
ihaloile ilmaižile mendyy .
Kaunehedi puuhuodi , kaunehedi vedyöt
ihaloil (i ) ilmažile lähtijes .
Dostalidi kerdaižedi proijini
nämii kamarizii myö , lähtendeksendelen ga .
A vie minä opin (i ), kyvelmöine naine ,
hänele työta pitkien matkoin aigazile jo ,
viernoloi viestižii ga .
Ed voine sinä ni mustoitella ga ,
opin sinun livailtavah paltinažeh kirjutella ga .
Paneni omadi kynäžedi ručkažikse ,
opini panna peigaložet perožiksi ga ,
kirjuttelen , omat gor'ovoit kyynälyöt
panen sinule černiläžikse .
Kirjuttelen sinun livailtavah paltinažeh
tämän ilmažedi kai viestižed da ,
eigo hod sinuu tunnustele
toizile ilmažile mendyy dai kyzele ga .
Sano jo minun tämänilmažedi kai viestižed da .
En voinnuh minä kaksiskymmeniz vuodužis ,
ni silmitellä voi ... (?),
kudamih kohtažih häi jovvuksendeli da .
Eigo hot suurien voinažien aigah
händy suurile surmažile upotettu ?
Vai suurien järvien tuakse lienöygo jovvuksennelluh ga ?
Naverno händy porohusavužih jo kuužien juurižile poltettih ga ,
Hoi jo sinä hos tiijustelled ,
livahtele hoz linduižinnu laidažil
linnun lendämättömil aigazil .
Livaittele jo minuu tiijustelemah ,
eigo hos kudamih kohtažih jovvuksendele ,
gu häi (?) jo nygöi jäi vastailemah .
Passibo da suured (i ) passibožed
annan nämien viestižien viendie ,
da igäžedi proškenjažed jo .
Elä jo kyvelmöžen piele suutuksendele ,
g ei kyvelmöine naine ni vigoisanažii sanonuh ga ,
oli ylen rutto tabažel da .
Anna hod igäžedi prošken'n'ažed ihaloil ilmažile mendyy .
(Se jo loppih ).
Ruuhehpanendu virzi
карельский: ливвиковское наречие
Коткозерский