Тексты
Вернуться к списку | редактировать | удалить | Создать новый | История изменений | Статистика | ? Помощь
Oi ozattoi varduoni
Oi ozattoi varduoni
карельский: собственно карельское наречие
Мяндусельгский
Oi
ozattoi varduoni , ku ottamien omattomila rannoila
kogonazet kogo kolmed vuuvet olin .
Armahien aigojazieni paikkoja aivin inhu da
monien kymmenien igävien kandaja varduone
idvomien igävil'ä rannoila viihičin (?).
Kuin kargijala karumualoila ozattomala varduola oldih
kallehien armoizieni kallivoila (?) kaksikerdazet kazvattajazet .
Oneh ozattoi varduone
olovien ottajaizieni paikkoih kai aigazet aivin
omilani nerazumnoiloila mielyzilä panettelin .
Ku kargie karuozalline varduone :
kandamien azettamila ruadoloila , hot kut päiväzet kualelin ,
aivin armahien spuassuzien
blahoslovimie uallonpiälizie ualdolastočkazie myö
viekkahien viihyt't'äjäzieni paikkoih
monikymmenkerdazed vieštized vieretiin .
Oneh ozattoi varduoni , monikymmenkerdazet obiidazet
olovien spuassuzien blahoslovimih
uallonpiälizilä ualdolinduzila
kaikemmoizet obiidazet objasnin
ottamien omattomila rannoil olles .
Ku kargijan da monijen kymmenien
abiezien alla olija varduoni
armahien aigojazieni rannoila rubezin aigaudumah ,
oldih armahissa korrottajazissa
vet kolmikerdazet kazat (kazl'at ?) kandamazet
kallehila armozila piäl'ä kannotettu .
Kai kandomien karuloila rannoila kavottih .
Ei valgein vualijaizieni paikkoih rojinnuh ni ked'ä
vaivazeni vaiveudunnuon varduvuoni vastuajua .
Yksi armahila muailmazila piäl' ä azettaja armaz hyväzeni
armahissa aigojaizissa vaivani
vaiveudunutta varruttani vastaili .
Yksi armahila ilmoila piäl'ä azettaja , armaz hyväzeni
aigomien arvuamattomilda rannoilda tulduo
angehta abeudunutta gor'arukkaistani
armahembien sanazien kerala armasteli .
Hot olizin oneh ozattoi varduoni
olovien ottajazieni paikkazih tulduo
monien kymmenien obiidojen kera oboidin .
Inhula (?) ihalien idvojazieni paikoista tuliin ,
monikymmenkerdazet igävät linduzet
ihalissa taivahissa issutah .
Monikerdazet opal'n'oid linduzet
olovien ottajazeni paikkoih on ennen miuda oboidittu .
(En voi en'ämbi .)
Oi ozattoi varduoni
карельский: собственно карельское наречие
Мяндусельгский