Texts

Oli enne papis kazakku

August 10, 2023 in 23:07 Нина Шибанова

created the text
created the text translation
created the text: Oli enne papis kazakku. Vuvven ku on kazakku, siit sanow: – Piä, buat’ušku, rosčottu. Pappi kumardah da sanow: – Passibo! Toižen vuvven se kazakku on papillua dai myäs sanow: – Piä rosčottu! A pappi myäs kumardah da sanow: – Passibo! Kazakku viä kolmanden vuvven on, siid op’at’ sanow: – Piä rosčottu, buat’ušku. A buat’ušku myäs kumardah da sanow: – Passibo! Siid buat’ušku kazakal sanoi: – Mene sapožniakallua da käske suappuat luadia. Kazakku meni sapožniakallua dai sanoi: – Luadiat minul kolmen vuvven palkas suappuat. Sapožniakku meni lawkkah dai osti parahat lakerofkat dai azuw hyvät suappuat račkuloin kel. Kahten päivän peräs menöw tiijustamah, ga suappuat ei ole valmehet. Toižen kerran myäs menöw kahten päivän peräs, ga suappuat jo on valmehet. Meni kazakku ottamah dai suappuat pani jalgah. Suappualoin jalgah panduw ku häi proijaldaw pertii myä, ga kai perti rudžižow, muga račketah! Siid kazakku andoi kolme passibua, a sapožniakku sanoi: – Kuibo muga? Sinähäi tahtoit kolmen vuvven palkan andua, a annoit vai kolme passibua! Siit sapožniakku kučui papin da kyzyi: – Prawdugo oli, kolme vuattu kazakoičči kolmeh passiboh?