Texts

Return to review | Return to list

Vesitiellä viipynyt

history

February 09, 2023 in 23:49 Nataly Krizhanovsky

• created the text
• created the text translation
• created the text: ”Anni tyttö, ainut tyttö, aika on jo nuoren noušša, jo on vanhat valvehilla, ikiloput issunnoissa.” ⁵ ”Enkä nouše, enkä huoli.” Mänöy muamo noštamah: ”Anni tyttö, ainut tyttö, aika on jo nuoren noušša, jo on vanhat valvehilla, ¹⁰ ikiloput issunnoissa.” ”Enkä nouše, enkä huoli.” Mänöy veikko noštamah: ”Anni čikko, ainut čikko, aika on jo nuoren noušša, ¹⁵ jo on vanhat valvehilla, ikiloput issunnoissa.” ”Enkä nouše, enkä huoli.” Mänöy min’n’a noštamah: ”Anni nato, ainut nato, ²⁰ aika on jo nuoren noušša, jo on vanhat valvehilla, ikiloput issunnoissa.” ”Enkä nouše, enkä huoli...” Mänöy ämmö noštamah: ²⁵ ”Anni tyttö, ainut tyttö, aika on jo nuoren noušša.” ”Baabuška, jo noušen.” [– Ämmöllä noušou.] Anni lähtöy vejellä, otti korvon olkapiällä, ³⁰ kauhan käsivarrellah, aštu virššan, aštu toisen, aštu puolen kolmatta. Kačahti kaivolla – jo on kaivo kuivan, ³⁵ tinapohja tilkittelöy, vaški piällä valettu, mua piällä kašvau, lehet piällä lankettu, koivut piällä kašvettu. ⁴⁰ Otti vettä orkosešta, vei vettä muamollah. ”Täšš’ on, muamo, miun vettä.” ”En juo šiun vettä, et ollun vejen ečošša, ⁴⁵ olit šulhasen ečošša, rautakannan ajelušša, punakannan puujelušša.” Anni läksi vejellä, otti korvon olkapiällä, ⁵⁰ kauhan käsivarrellah, mäni virššan, mäni toisen, mäni puolen kolmatta. Kačahti kaivolla – jo on kaivo kuivan. ⁵⁵ lehet piällä lankettu, koivut piällä kašvettu. Otti vettä orkosešta, vei vettä veikollah. ”Täšš’ on, veikko, miun vettä.” ⁶⁰ ”En juo šiun vettä, et ollun vejen ečošša, olit šulhasen ečošša, rautakannan ajelušša, punakannan puujelušša.” ⁶⁵ Anni läksi vejellä, otti korvon olkapiällä, kauhan käsivarrellah, mäni virššan, mäni toisen, mäni puolen kolmatta. ⁷⁰ Kačahti kaivolla – kaivo še oli kuivan. Otti vettä orkosešta, vei vettä čikollah. ”Täšš’ on, čikko, miun vettä.” ⁷⁵ ”En juo šiun vettä, et ollun vejen ečošša, olit šulhasen ečošša, rautakannan ajelušša, punakannan puujelušša.” ⁸⁰ Anni läksi vejellä, otti korvon olkapiällä, kauhan käsivarrellah, mäni virššan, mäni toisen, mäni puolen kolmatta. ⁸⁵ Kačahti kaivolla – jo on kaivo kuivan, tinapohja tilkittelöy, vaški piällä valettu, mua piällä kašvan, ⁹⁰ lehet piällä lankettu, koivut piällä kašvettu. Otti vettä orkosešta, vei vettä min’n’allah. ”Täšš’ on, min’n’a, miun vettä.” ⁹⁵ ”En juo šiun vettä, et ollun vejen ečošša, olit šulhasen ečošša, rautakannan ajelušša, punakannan puujelušša.” ¹⁰⁰ Anni läksi vejellä, otti korvon olkapiällä, kauhan käsivarrellah, mäni virššan, mäni toisen, mäni puolen kolmatta. ¹⁰⁵ Kačahti kaivolla – ka kaivo on kuiva, tinapohja tilkittelöy, vaški piällä valettu, mua piällä kašvan, ¹¹⁰ lehet piällä lankettu, koivut piällä kašvettu. Otti vettä orkosesta, vei vettä ämmölläh. ”Täšš’ on, ämmö, miun vettä.” ¹¹⁵ ”Juon, juon šiun vettä, tyttöseni, olit šie vejen ečošša, et ollun šulhasen ečošša etkä rautakannan ajelušša, etkä punakannan puujelušša, ¹²⁰ olit vettä käymäššä.” Anni läksi šuolla šoittamah, kankahalla karjahti, kankaš vaštah kajahti: ”Tuattoš on koissa kuolemašša.” ¹²⁵ ”Kuollou, ni kuolkah, šuan mie paljo paremman: šiäret rahjašta rapuan, vartalo vesihavošta, kiät kaprista puista, ¹³⁰ jalat järven juurikoista, šilmät liinan šiemenistä, korvat lammen lumpehista.” Anni mäni šuolla šoittamah, kankahalla karjahti, ¹³⁵ kankaš vaštah kajahti: ”Muamoš on koissa kuolomašša.” ”Kuollou, ni kuolkah, šuan mie paljo paremman: vartalo vesihavošta, ¹⁴⁰ šiäret rahjašta rapuan, kiät käpristä puista, jalat järven juurikoista, piän pahkašta, šilmät liinan šiemenistä, ¹⁴⁵ korvat lammen lumpehista.” Anni mänöy šuolla šoittamah, kahkahalla karjahtau, kankaš vaštah kajahti: ”Veikkoš on koissa kuolomašša.” ¹⁵⁰ ”Kuollou, ni kuolkah, šuan mie paljo paremman: šiäret rahjašta rapuan, kiät käpristä puista, jalat järven juurikoista, ¹⁵⁵ vartalo vesihavošta, ta piän pahkašta, šilmät liinan šiemenistä, korvat lammen lumpehista”. Anni mänöy šuolla šoittamah, ¹⁶⁰ kankahalla karjahtau, kankaš vaštah kajahti: ”Min’n’aš on koissa kuolomašša”. ”Kuollou, ni kuolkah, šuan mie paljon paremman: ¹⁶⁵ šiäret rahjašta rapuan, piän pahkašta, kiät käpristä puista, vartalo vesihavošta, jalat järven juurikoista, ¹⁷⁰ šilmät liinan šiemenistä, korvat lammen lumpehista.” Anni mänöy šuolla šoittamah, kankahalla karjahti, kankaš vaštah kajahti: ¹⁷⁵ ”Čikkoš on koissa kuolomašša”. ”Kuollou, ni kuolkah, šuan mie paljon paremman: šiäret rahjašta rapuan, piän pahkasta, ¹⁸⁰ kiät käpristä puista, vartalo vesihavošta, šilmät liinan šiemenistä, korvat lammin lumpehista”. Anni mänöy šuolla šoittamah, ¹⁸⁵ kankahalla karjahtau, kankaš vaštah kajahti: ”Ämmöš on koissa kuolomašša”. Anni rupei itkömäh. [– Ämmyö en anna kuolomah, šanou, olin vejen ečošša ta toin vettä ämmöllä. Ämmön otti joukošta pois. Mikäš nyt vielä pitäy ruatua?] Tuaton heposet propatikkah ¹⁹⁰ parahan kynnön aikah, muamon lehmät propatikkah parahah lypšyn aikah, min’n’an luuvat halekkah parahieh häijen aikah, ¹⁹⁵ čikon nieklat katekkah parahah ompeluaikah, ämmön sviitkat lisäytykkäh parahah pitoaikah.