Тексты

Вернуться к списку | редактировать | удалить | История изменений | ? Помощь

Mintäh šiilillä ei ole kaverija

Корпус: младописьменный подкорпус

Младописьменный севернокарельский, тексты для детей

Источник: VLADIMIR KANNOJEV, Oma mua. № 17, (2018), с. 11

Mintäh šiilillä ei ole kaverija
(карельский: собственно карельское наречие)

Oli ta eli šiili. Ta hänellä ei ollun kaverija. Kerran šiili läksi niitä eččimäh. Aštuu šiili meččyä myöten. Hänellä vaštah jänis hyppiy.
Terveh, šiili, šanou jänis. Kunne šie aššut?
Ka läksin kaverija eččimäh, vaštasi šiili.
Ota miut kaveriksi!
En ota, jänöseni, šie olet liijan varačču.
Läksi šiili ielläh. Aštuu, aštuu, a hänellä vaštah repo hiivuou.
Terveh, piikkipiä! Kunne šie aššut?
Ka läksin kaverija eččimäh.
Ota miut kaveriksi!
En ota, repo-kuomaseni, šie olet liijan viekaš, vielä petät milma.
Ta läksi šiili ielläh. Aštuu, aštuu, a hänellä vaštah harmua hukka juokšou.
Terveh, piikkipiä! Kunne šie aššut?
Ka läksin kaverija eččimäh.
Ota miut kaveriksi!
En ota, hukkaseni, šie olet liijan vihani, vielä kiušuat milma.
Ta läksi šiili ielläh. Aštuu, aštuu, a hänellä vaštah kontie ryömiy. Ka kontie niise ei kelvannun šiilillä kaveriksi.
Šiitä ajašta alkuan šiili niin ni eläy yksin, ilman kaverija.